ASTANA. 15 qańtar. Japonııanyń Nagano prefektýrasynda ornalasqan taý shańǵyly shıpajaıyna baǵyt alǵan saıahatshylar avtobýsy quzǵa qulap, saldarynan 14 jolaýshy qaza tapty. Bul týraly TASS aqparat agenttigine silteme jasaǵan egemen.kz tilshisi habarlady.
Polısııa qyzmetkerleriniń aıtýynsha, qaza tapqandardyń arasynda júrek soǵysy toqtaǵanymen, 11 saıahatshyny dárigerler resmı túrde mert bolǵandardyń qataryna qosqan joq. Al apat kezinde túrli jaraqat alǵan 27 adam aýrýhanaǵa jetkizildi. Málimet boıynsha, kólik ishinde 41 jolaýshy bolǵan.
Qazirgi kezde, polısııa qyzmetkerleri oqıǵanyń negizgi sebebin anyqtaý jumystaryna kiristi. Aldyn ala boljam boıynsha, tártip saqshylary kólik apatyn taý etegindegi joldyń tar bolýymen baılanystyrýda.
Aıan Ábdýálı.
Derek: TASS.
Sýret: 1tv.ru.