ASTANA. 15 qańtar. Halyqaralyq fýtbol qaýymdastyǵy (FIFA) aldaǵy eki transfer ýaqytynda Madrıdtiń qos komandasy «Real» men «Atletıkoǵa» jańadan oıynshylar satyp alýyna tyıym saldy. Bul týraly eurosport.ru saıtyna silteme jasaǵan egemen.kz tilshisi habarlady.
«Real» men «Atletıko» komandalary jastar fýtbol akademııasyna aıryqsha kóńil bóledi. Sondaı-aq, transferlik saıasatyna bir jylǵa jýyq tergeý jumystaryn júrgizip kelgen FIFA basshylyǵy sońynda osy sheshimdi shyǵarýlaryna týra keldi.
Halyqaralyq fýtbol qaýymdastyǵynyń aıtýynsha, atalǵan qos komanda kámelet jasyna tolmaǵan jas oıynshylardy zańǵa qaıshy túrde akademııalaryna jazdyryp alǵan. Madrıdtikter aldaǵy jaz ben keler qys ýaqytynda qatarlaryna jańa oıynshylardy qosa almaıdy. Sondaı-aq, «Real» 900 myń shveısar frankin, al «Atletıko» 360 myń shveısar frankin aıyppul retinde tóleý mindetteldi. Qos komandanyń apelıasııaǵa berýlerine bolady.
Aıta keteıik, mundaı jaǵdaıǵa Ispanııanyń taǵy bir komandasy «Barselona» da tap bolǵan. Katalondyqtardyń jaza merzimi 1 qańtarda aıaqtaldy.
Aıan Ábdýálı.
Derek, sýret: eurosport.ru.