ASTANA. 15 qańtar. AQSh prezıdenti ózi kelgen qalanyń atyn shatastyryp aldy. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
The Washington Times basylymynyń habarlaýynsha, Baton-Rýjǵa issaparmen kelgen AQSh prezıdenti Barak Obama shtat astanasyn shatastyryp aıtqan. El basshysy Baton-Rýj qalasynyń turǵyndaryna qoldaý bildirgenderi úshin alǵysyn bildirip, sózin: «Rahmet, Jańa Orlean!», – dep aıaqtaǵan.
Osy basylymnyń málimdeýinshe, budan buryn Nebraska shtatynyń Omaha qalasynda sóılegen sózinde el prezıdenti Qurama Shtattardyń qashan qurylǵanyn umytyp, AQSh 250 jyldan beri ómir súrip keledi degen. Alaıda, 2015 jyly bul el Táýelsizdiginiń 239 jyldyǵyn atap ótken bolatyn.
Esterińizge sala keteıik, 13-14 qańtar kúnderi Barak Obama Nebraska jáne Lýızıana shtattarynda bolyp, qarapaıym amerıkalyqtarmen óziniń kongresstegi joldaýyn talqyǵa salǵan edi. AQSh prezıdenti retindegi óziniń sońǵy joldaýyn Barak Obama kongresstiń aldynda 12 qańtar kúni keshte joldady.
Elaman Qońyr.
Derek: RIA «Novostı».
Sýret: AP Photo.