TARAZ. 15 qańtar. «Taraz – Arena» sport kesheninde erler jáne áıelder arasynda grek-rım jáne erkin kúresten Qazaqstan chempıonaty jalaýyn kóterdi. Bul týraly egemen.kz tilshisi habarlady.
Aıtýly básekege elimizdiń barlyq aımaǵynan 600-ge jýyq balýan qatysyp jatyr. Alǵashqy kúni grek-rım kúresi boıynsha bes salmaqtyń úzdikteri anyqtaldy. 59 kıloda jambyldyq Dastan Úskembekov fınalda aqmolalyq Meıirbek Dónenbekovty utyp, Jambyl oblysy quramasynyń qorjynyna alǵashqy altyn medaldi saldy. Osy salmaqta taǵy bir jambyldyq Janserik Sársenbıev úshinshi oryn úshin talasta aqmolalyq Saǵdat Turbaevtan sheberligin asyryp, qola júldeni ıelendi. 71 kılo salmaqta sheshýi beldesýge alqynbaı jetken jambyldyq Ábýnásir О́mirzaq altyn júlde jolynda sátti ónerin jalǵastyra almady. Ol fınalda shyǵys qazaqstandyq Darhan Baıahmetovke jol berip, kúmis júldeni qanaǵat tutty.
75 kıloda London Olımpıadasynyń qola júldegeri, Almaty qalasynyń balýany Danıl Gadjıev bul joly da bilgeninen jańylmady. Ol sheshýi beldesýde qostanaılyq qarsylasy Temirlan Sadýkaevty aıqyn utyp, bul salmaqtyń №1 sportshysy ekenin taǵy bir dáleldedi. 80 kılo salmaqta Almaty oblysynyń ókili Ashat Dilmuhambetov astanalyq Sultanbek Shalabaevty utyp, chempıon atandy. 98 kılo salmaqta da Almaty oblysynyń balýany Marǵulan Ásembekov altyn tuǵyrǵa kóterildi. Ol osymen 12-ret el chempıony atanyp otyr.
Senbi kúni tús qaıta boz kilemge erkin kúres sheberleri shyǵady. Bul kúni 74 kıloda London Olımpıadasynyń qola júldegeri Aqjúrek Tańatarov, el chempıony Meıirjan Áshirov boz kilemge kóteriletin bolady.
Oralhan Dáýit.
Derek: egemen.kz
Sýret: Aqádil Rysmahan.