ASTANA. 15 qańtar. Jambyl oblysynda dárethanadan tabylǵan sábıdi asyrap alýǵa nıet bildirgen Eskendir jáne Elena Ahmetovter nárestemen kóristi. Bul týraly egemen.kz tilshisi habarlady.
Sábı 7 qańtar kúni Taraz qalasynyń mańyndaǵy qoǵamdyq dárethanalardyń birinen tabylǵan bolatyn. Sodan keıin osy oqıǵany estigen Jýaly aýdany, Baýyrjan Momyshuly aýylynyń turǵyndary Eskendir jáne Elena Ahmetovter náresteni asyrap alýǵa nıet bildirgen. Qazir olar sábımen kóristip, baýyryna basyp jatyr. Al balasyn tastap ketken kókek ana Turar Rysqulov aýdanynyń 21 jastaǵy turǵyny bolyp shyqty.
Qazirgi tańda ony ata-analyq quqynan aıyrý máselesi qarastyrylýda.
Dastan Kenjalın.
Derek: egemen.kz
Sýret jýrnalıst Aqbópe Qalılanyń Facebook áleýmettik jelisindegi jeke paraqshasynan alyndy.