ASTANA. 15 qańtar. Úndistannyń polısııa qyzmetkerleri jarylys uıymdastyrmaq bolǵan 4 adamnyń kózin joıdy. Bul týraly TASS aqparat agenttigine silteme jasaǵan egemen.kz tilshisi habarlady.
Polıseıler men lańkesterdiń arasyndaǵy qaqtyǵys Chhattısgarh shtatyna qarasty Bastar eldi mekeninde boldy.
Jalpy, sýyq habar beısenbi kúni kelip túsken. Kóp uzamaı aıtylǵan jerge kelgen tártip saqshylary qylmyskerlermen qaqtyǵysqann.
«50 adamnan quralǵan jasaq qarýlanǵan tórt adamnyń kózin joıdy. Operasııa sátti ótti», – deıdi quqyq qorǵaý organynyń qyzmetkeri.
Aıta keteıik, 1980 jyldan beri Úndistanda sodyrlar qolynan 20 myńǵa jýyq adam qaza tapqan. Olardyń basym bóligi – beıbit halyq. Eń iri qaqtyǵys 2010 jyly bolǵan. Sodyrlardyń atys-shabysynan 1 myńnan astam adam mert bolǵan. Al 2014 jylǵy qaqtyǵystan 600 turǵyn qaza tapty. Sondaı-aq, 2013 jyly Chhattısgarh shtatynda lańkester buryn-sońdy bolmaǵan shabýyl jasady. El úshin qaýipti sanalǵan sodyrlar toby aımaqtyq Úndistan ulttyq kongresine (ÚUK) basa-kóktep kirip, oq jaýdyrǵan. Oqıǵa ornynda 24 adam mert boldy. Onyń ishinde ÚUK-nyń bólim basshysy Mahendra Karma bar. Sondaı-aq, mınıstrlikte birneshe laýazymda qyzmet etken Vıdıa Charan da ólimnen qashyp qutyla alǵan joq.
Aıan Ábdýálı.
Derek: TASS.
Sýret: news.caravan.kz.