ASTANA. 16 qańtar. Indonezııanyń astanasy – Djakarta qalasyndaǵy jarylystarǵa qatysy bar degen kúdikpen úsh kúdikti ustaldy. Bul týraly 24.kz telearnasyna silteme jasaǵan egemen.kz tilshisi habarlady.
Sonymen qatar, arnaıy operasııa barysynda jankeshtilerdiń «Islam memleketi» lańkestik tobyna qatysy bar ekenderi anyqtaldy. Buǵan deıin jarylysty uıymdastyrýshy Indonezııa azamaty Bahrýn Naım bolýy múmkin ekeni aıtylǵan bolatyn. Tergeýshilerdiń deregi boıynsha, ol búginde Sırııada júr.
Jergilikti polıseılerdiń biri Anton Charlııannyń sózine qaraǵanda, qylmyskerler jasyrynǵan baspanalardyń birinen «Islam memleketi» lańkestik tobynyń týy tabylǵan.
«Tergeý amaldary aıaqtalǵansha naqty derekterdi jarııalaı almaımyz. Qazirgi tańda osy isti ashý úshin jumystar kúsheıtilgen rejimde júrgizilýde», – deıdi tártip saqshysy.
Aıta keteıik, 14 qańtar kúni Djakartanyń ortalyǵynda birneshe jarylys pen atys boldy. Saldarynan 7 adam qaza tapsa, 24-i jaraqat aldy. Jaralylardyń arasynda shetel azamattary da bar.
Elaman Qońyr.
Derek: 24.kz.
Sýret: EPA.