«Qazaqstan áleýmettanýshylar qaýymdastyǵy» qoǵamdyq birlestigi (QB) Parlament Májilisi men barlyq deńgeıdegi máslıhattar depýtattarynyń
merziminen buryn saılaýlaryn ótkizý jónindegi bastamany qoldaý týraly
MÁLIMDEMESI
«Qazaqstan áleýmettanýshylar qaýymdastyǵy» QB depýtattardyń Parlament Májilisi men barlyq deńgeıdegi máslıhattar depýtattarynyń merziminen buryn saılaýlaryn ótkizý jónindegi saýatty bastamasy oryndy kóterilip otyr dep esepteıdi. Besinshi shaqyrylymdaǵy Parlament Májilisi «100 naqty qadam» Ult Josparynyń irgetasyn nyqtaýǵa zor úlesin qosty. Qazirgi tańda daǵdarysqa qarsy sharalar qabyldaýda belsendilik tanytý asa qajet. Depýtattardyń úndeýi halyqtyń Májiliske degen senimin taǵy bir ret tarazyǵa sala otyryp, azamattardyń qoǵam aldyndaǵy jaýapkershiligin arttyra túsedi. Bul óz kezeginde bes ınstıtýttyq reformadan týyndaıtyn aýqymdy mindetterdi laıyqty júzege asyrýǵa, turaqtylyq pen ornyqty damýǵa múmkindik beredi.