Respýblıkalyq etnomádenı birlestikterdiń Qazaqstan Respýblıkasy Parlamentiniń Májilisi men barlyq deńgeıdegi máslıhattar depýtattarynyń
saılaýlaryn merziminen buryn ótkizý jónindegi bastamany qoldaý týraly
MÁLIMDEMESI
Biz, respýblıkalyq etnomádenı birlestikterdiń jetekshileri, Parlament Májilisi depýtattarynyń Qazaqstan Respýblıkasy Parlament Májilisi men barlyq deńgeıdegi máslıhattar depýtattarynyń merziminen buryn saılaýlaryn ótkizý jónindegi bastamasyn qoldaıtynymyzdy málimdeımiz. Der kezinde jasalǵan bul qadam daǵdarysqa qarsy aýqymdy sharalardy, bes ınstıtýttyq reformany jáne «100 naqty qadam: Barshaǵa arnalǵan qazirgi zamanǵy memleket» Ult Josparyn iske asyrýda asa qajet bolyp tabylady. Bul qaıta jasaýlar tarıhı mindetter keshenin sheshýde magıstraldy jol tárizdi mańyzdy ról atqarady. Ashyq memleket qurý jáne zańnyń ústemdik qurýy men tıimdi ekonomıkamen qamtamasyz etý zań shyǵarýshylyq jumystardyń jańa deńgeıdegi sapasyn talap etedi. Biz Májilistegi Qazaqstan halqy Assambleıasy depýtattar tobynyń sheshimin, jalpy, Qazaqstan Respýblıkasy Parlamenti Májilisi depýtattarynyń merziminen buryn saılaý ótkizý týraly usynystaryn quptaımyz. Bul saılaýdan zań shyǵarý jumystaryn jańa sapamen qamtamasyz etetin tıimdi depýtattar korpýsynyń jasaqtalýyn, azamattyq qatysýlardyń keńeıýin jáne saıası kózqarastaryna qaramastan partııalardyń halyqtyń birligin, eldegi beıbitshilik pen kelisimdi nyǵaıtý jolyndaǵy dıalogtaryn kútemiz. Osy rette barlyq saıası partııany, qoǵamdyq, etnomádenı birlestikterdi bul mańyzdy ári batyl qadamdy qoldaýǵa jáne Qazaqstan tarıhyndaǵy eń ashyq, syndarly saılaý ótkizýge shaqyramyz. Qazaqstan halqynyń saılaýǵa jappaı qatysýy, saılaýshylardyń belsendiligi men jaýapkershiligi kezekti ret kópke úlgi bolatynyna senemiz. Biz – Qazaqstan azamattarymyz, biz – bir halyqpyz, bizdiń ortaq maqsatymyz – «Máńgilik El»! Qazaqstan koreıleri qaýymdastyǵy; Túrikmen etnomádenı ortalyǵy; «Mıseva» evreı mádenı ortalyqtary qaýymdastyǵy; Qazaqstan Respýblıkasynyń orys qoǵamdastyǵy; Qazaqstan rýmyn-moldovandary qaýymdastyǵy; Qazaqstan dúngenderi qoǵamy; Bolgar etnomádenı birlestigi; «Vıdergebýrt» Qazaqstan nemisteri qoǵamdyq birlestiginiń respýblıkalyq qaýymdastyǵy; Orys, kazak jáne slavıan uıymdarynyń úılestirý keńesi; Qazaqstandaǵy «Idel» tatar jáne tatar-bashqurt etnomádenı qoǵamdyq jáne mádenı ortalyqtarynyń qaýymdastyǵy; Qazaqstan armıandary qaýymdastyǵy; Qazaqstan Respýblıkasy túrikteriniń «Ahyska» qoǵamy; Qazaqstan Respýblıkasy ózbekteriniń «Dýstlık» etnomádenı birlestiginiń qaýymdastyǵy; Qazaqstan Respýblıkasy kúrdteriniń «Barbang» qaýymdastyǵy; «Vaınah» cheshen jáne ıngýsh halyqtarynyń mádenıetin damytý ortalyǵy qaýymdastyǵy; Qazaqstan Respýblıkasy uıǵyrlarynyń mádenı ortalyǵy; Vengr mádenı ortalyǵy; Belorýs etnomádenı birlestigi; Qazaqstan ázerbaıjan mádenı ortalyqtary odaǵy; Qazaqstan polıaktary odaǵy; «Sýomı» etnomádenı birlestik; «Avısenna» tájik etnomádenı ortalyǵy; Qazaqstandaǵy orys, kazak jáne slavıan uıymdarynyń qaýymdastyǵy; «Qazaqstan ýkraındarynyń radasy»; «Fılııa» Qazaqstandaǵy grek qoǵamynyń qaýymdastyǵy; Qarashaı-balqar etnomádenı birlestigi; Ázerbaıjandar qaýymdastyǵy; Halyqaralyq «Qazaq tili» qoǵamy.