2015 jylǵy 25 jeltoqsan, Astana qalasy
Qazaqstan Respýblıkasy memlekettik arhıv mekemeleriniń azamattyq qyzmetshilerin attestattaýdan ótkizý qaǵıdalaryn bekitý týraly
Qazaqstan Respýblıkasy Eńbek kodeksiniń 139-baby 7-tarmaǵyna sáıkes memlekettik arhıv mekemeleri qyzmetkerleriniń kásibı jáne biliktilik daıyndyǵy deńgeıin, iskerlik qasıetin aıqyndaý maqsatynda buıyramyn:
1. Qosa berilip otyrǵan Qazaqstan Respýblıkasy memlekettik arhıv mekemeleriniń azamattyq qyzmetshilerin attestattaýdan ótkizý qaǵıdalary bekitilsin.
2. «Memlekettik muraǵattar qyzmetkerlerin attestasııalaýdan ótkizý qaǵıdasyn bekitý týraly» Qazaqstan Respýblıkasy Mádenıet jáne aqparat mınıstriniń 2013 jylǵy 15 shildedegi №159 buıryǵynyń (Normatıvtik quqyqtyq aktilerdi memlekettik tirkeý tiziliminde 2013 jylǵy 05 tamyzda №8606 tirkelgen, «Egemen Qazaqstan» gazetiniń 2013 jylǵy 17 tamyzdaǵy №192 (28131) sanynda jarııalanǵan) kúshi joıyldy dep tanylsyn.
3. Muraǵat isi jáne qujattama departamenti (D.S.Muqataev) zańnamada belgilengen tártippen:
1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde merzimdi baspasóz basylymdaryna jáne «Ádilet» aqparattyq-quqyqtyq júıesinde, sondaı-aq Qazaqstan Respýblıkasynyń normatıvtik-quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna resmı jarııalaýǵa onyń kóshirmelerin baspa jáne elektrondy túrde jiberilýin;
3) osy buıryqty Qazaqstan Respýblıkasy Mádenıet jáne sport mınıstrliginiń ınternet-resýrsynda jáne memlekettik organdardyń ınternet-portalynda ornalastyrýdy;
4) osy buıryqty Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy
Mádenıet jáne sport mınıstrliginiń Zań qyzmeti departamentine osy buıryqtyń osy tarmaǵynyń 1), 2) jáne 3) tarmaqshalarynda kózdelgen is-sharalardy oryndaý týraly málimetterdi usynýdy qamtamasyz etsin.
4. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Mádenıet jáne sport vıse-mınıstrine júktelsin.
5. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr A.MUHAMEDIULY.
Qazaqstan Respýblıkasy Mádenıet jáne sport mınıstriniń 2015 jylǵy 25 jeltoqsandaǵy
№411 buıryǵymen bekitilgen
Qazaqstan Respýblıkasy memlekettik arhıv mekemeleriniń azamattyq qyzmetshilerin
attestattaýdan ótkizý qaǵıdalary
1. Jalpy erejeler
1. Osy Qazaqstan Respýblıkasy memlekettik arhıv mekemeleriniń azamattyq qyzmetshilerin attestattaýdan ótkizý qaǵıdalary (budan ári – Qaǵıda) 2015 jylǵy 23 qarashadaǵy Qazaqstan Respýblıkasy Eńbek kodeksiniń 139-baby 7-tarmaǵyna sáıkes ázirlengen.
2. Qaǵıda Qazaqstan Respýblıkasynyń memlekettik arhıv mekemelerinde jáne olardyń fılıaldarynda (budan ári – memlekettik arhıvter) jumys isteıtin azamattyq qyzmetshilerdi attestattaýdan ótkizý tártibin anyqtaıdy.
3. Memlekettik arhıvterdiń basshylaryn jáne olardyń orynbasarlaryn (budan ári – basshylar), memlekettik arhıvterdiń mamandaryn (budan ári – jumyskerler) attestattaýdan ótkizý – olardyń kásiptik jáne biliktilik daıarlyǵynyń deńgeıin, iskerlik qasıetterin anyqtaý, biliktilik sanattaryn belgileý boıynsha júıeli túrde júzege asyrylatyn prosedýra.
4. Basshylardy attestattaýdan ótkizýdi taǵaıyndaǵan arhıv isi jáne qujattama salasyndaǵy ýákiletti memlekettik organ nemese arhıv salasynyń jergilikti atqarýshy organy júzege asyrady.
Jumyskerler jumys oryndary boıynsha attestattaýdan ótedi. Aýdandyq arhıvterde jumyskerlerdiń sany 10 adamnan kem bolsa, tıisti oblystyń memlekettik arhıvinde attestattaýdan ótedi. Bul jaǵdaıda, attestattaý komıssııasynyń quramyna tıisti aýdan arhıvteriniń ókilderi engiziledi.
5. Attestattaýdan ótkizý kezinde baǵalaýdyń negizgi ólshemi bolyp jumyskerlerdiń olarǵa júktelgen mindetterdi oryndaý qabileti bolyp tabylady.
6. Júkti áıelderden, sonymen qatar arhıv salasynda 20 jyldan astam ýaqyt jumys jasaǵan tulǵalardan basqa barlyq jumyskerler attestattaýdan ótýge jatady.
7. Biliktilik sanattary (razrıadtar) Qazaqstan Respýblıkasy Eńbek kodeksiniń 16-baby 16) tarmaqshasyna sáıkes eńbek qatynastaryn retteý salasyndaǵy eńbek jónindegi ýákiletti memlekettik organmen bekitiletin Jumystar men jumysshy kásipteriniń biryńǵaı tarıftik-biliktilik anyqtamalyǵyna, jumysshy kásipteriniń tarıftik-biliktilik sıpattamalaryna, Basshylar, mamandar jáne basqa da qyzmetshiler laýazymdarynyń biliktilik anyqtamalyǵyna, sonymen qatar uıymdar basshylary, mamandary jáne basqa da qyzmetshileri laýazymdarynyń úlgilik biliktilik sıpattamalaryna sáıkes belgilenedi.
8. Jumyskerler azamattyq qyzmette bolǵan ýaqyttyń árbir kezekti úsh jyl ótken saıyn, biraq osy laýazymǵa ornalasqan kúnnen bastap keminde alty aı ótkennen keıin merzimde attestattaýdan ótedi. Attestattaý belgilengen merzim kelgen kúnnen bastap alty aıdan aspaıtyn merzimde ótkizilýi tıis. Bala kútimine baılanysty demalysta júrgen jumyskerler jumysqa shyqqannan keıin alty aıdan soń attestattaýdan ótedi.
9. Jumyskerlerdi attestattaýdan ótkizý olardyń bergen ótinishteri negizinde merziminen buryn ótkizýge jol beriledi.
10. Attestattaýdan ótkizý kelesi kezeńderdi qamtıdy:
1) attestattaýdan ótkizýge daıyndyq;
2) jumyskerlerdi testileý;
3) attestattaý komıssııasynyń jumyskerlermen suhbattasý júrgizý;
4) attestattaý komıssııasynyń sheshimin shyǵarý.
2. Attestattaýdy ótkizý jónindegi
jumysty uıymdastyrý
11. Basshynyń tapsyrmasy boıynsha personalmen jumys júrgizý boıynsha jaýapty qurylymdyq bólimshesi (budan ári - kadr qyzmeti) jumyskerlerdi attestattaýdy uıymdastyrady.
Attestattaýdan ótkizýge daıyndyqqa mynadaı:
1) attestattalanýshyǵa qajetti qujattardy daıyndaý; 2) attestattaý kestesin ázirleý;
3) attestattaý komıssııasynyń quramyn aıqyndaý;
4) attestattaýdy ótkizý maqsaty men tártibi boıynsha túsindirý jumysyn uıymdastyrý is-sharalary kiredi.
12. Kadr qyzmeti osy Qaǵıdanyń 8-tarmaǵyna sáıkes attestattaýdan ótýge tıis jumyskerlerdi jarty jylda bir ret aıqyndaıdy.
13. Basshy kadr qyzmetiniń usynýymen buıryq shyǵarady, sol buıryqpen attestattaýdan ótetin jumyskerler tizimin, attestattaýdy ótkizý kestesin jáne attestattaý komıssııasynyń quramyn bekitedi.
14. Kadr qyzmeti attestattaýdy ótkizý merzimi týraly, ony ótkizýdiń bastalýyna keminde bir aı qalǵanda jumyskerlerge jazbasha habarlaıdy.
15. Attestattaýdan ótýge tıis jumyskerlerdiń tikeleı basshysy qyzmettik minezdemeni rásimdep, ony kadr qyzmetine tapsyrady.
Basshylarǵa qyzmettik minezdeme arhıv isi jáne qujattama salasyndaǵy ýákiletti memlekettik organmen nemese arhıv salasynyń jergilikti atqarýshy organmen daıyndalady.
16. Qyzmettik minezdemede attestattalanýshynyń kásibı jáne biliktilik daıyndyǵyna, iskerlik qasıetteri men qyzmettik jumysynyń nátıjelerine negizdelgen, obektıvti baǵasyn qamtıdy.
17. Kadr qyzmeti attestattaý komıssııasynyń otyrysyna deıin keminde úsh apta buryn jumyskerdi oǵan berilgen qyzmettik minezdememen tanystyrady.
18. Jumysker ózine berilgen qyzmettik minezdememen kelispeıtini týraly málimdeme jasaýǵa jáne ózin sıpattaıtyn aqparatty kadr qyzmetine usynýǵa quqyly.
19. Attestattalanýshy jumyskerge kadr qyzmeti osy Qaǵıdanyń 1-qosymshasynda berilgen nysanǵa sáıkes Attestattaý paraǵyn resimdeıdi.
20. Kadr qyzmeti jınaqtalǵan attestattaý materıaldaryn attestattaý komıssııasyna joldaıdy.
3. Attestattaý komıssııasy
21. Attestattaý komıssııasy (budan ári – Komıssııa) basshymen qurylady, músheleriniń taq sanynan jáne komıssııa hatshysynan turady. Komıssııanyń quramyna komıssııa tóraǵasy, tóraǵanyń orynbasary jáne músheleri engiziledi. Tóraǵa jáne tóraǵanyń orynbasary komıssııa músheleriniń ishinen taǵaıyndalady.
22. Basshylardy attestattaıtyn komıssııa arhıv isi jáne qujattama salasyndaǵy ýákiletti memlekettik organmen nemese arhıv salasyndaǵy jergilikti atqarýshy organymen qurylady.
23. Komıssııa tóraǵasy komıssııa qyzmetin basqarady, otyrystarda tóraǵalyq etedi, jumysyn josparlaıdy, jalpy baqylaýdy júzege asyrady jáne onyń qyzmeti men qabyldaıtyn sheshimderi úshin jaýapkershilik atqarady.
24. Komıssııanyń quramyna memlekettik arhıv bólimsheleriniń basshylary men jumyskerlerdiń ókilderi kiredi, al basshylardy attestattaıtyn komıssııanyń quramyna arhıv isi jáne qujattama salasyndaǵy ýákiletti memlekettik organnyń nemese arhıv salasynyń jergilikti atqarýshy organynyń bólimshe basshylary men jumyskerleri kiredi.
25. Komıssııanyń bolmaǵan múshelerin almastyrýǵa jol berilmeıdi.
26. Kadr qyzmetiniń jumyskeri komıssııanyń hatshysy bolyp tabylady. Hatshy tehnıkalyq qyzmet kórsetýdi júzege asyrady jáne komıssııanyń jumys isteýin qamtamasyz etedi, komıssııa otyrysynyń qorytyndylary boıynsha hattama rásimdeıdi jáne daýys berýge qatysý quqyǵy joq.
27. Komıssııa músheleri attestattaýdan jalpy negizderde ótedi, komıssııa quramyna kiretin jumysker ózine qatysty daýys berýge qatysa almaıdy.
28. Eger komıssııa quramynyń úshten eki bóligi qatyssa onyń otyrysy quqyqty bolyp esepteledi.
29. Komıssııanyń sheshimi ashyq daýys berý arqyly qabyldanady. Daýys berýdiń nátıjeleri komıssııa músheleriniń kópshilik daýsymen aıqyndalady. Komıssııa músheleriniń erekshe pikir aıtýǵa quqyǵy bar, ol bildirilgen jaǵdaıda, jazbasha túrde mazmundalýǵa jáne hattamaǵa qosa berilýge tıis. Daýys teń bolǵan jaǵdaıda komıssııa tóraǵasynyń daýysy sheshýshi bolyp tabylady.
30. Komıssııa attestattalanýshy jumyskerdi attestattaýdy onyń qatysýymen júrgizedi.
Attestattalanýshy jumyskerdiń komıssııa otyrysyna dáleldi sebeptermen (eńbekke ýaqytsha qabiletsizdik, demalysta bolýy, kámeletke tolmaǵan balanyń syrqaty, jaqyn týystary qaıtys bolýy, issaparda bolýy) kelmeý jaǵdaıynan basqa orynsyz sebeptermen qatyspaǵanda, attestattaýdan ótpedi dep tanylady. Attestattalanýshy jumysker dáleldi sebep boıynsha komıssııanyń otyrysyna kele almaǵan jaǵdaıda, ony attestattaý máselesin qaraý komıssııa belgilegen keıinirek merzimge aýystyrylady.
4. Testileý
31. Testileý attestattalanýshynyń tańdaýymen qazaq nemese orys tilinde júrgiziledi. Basshylar úshin test suraqtarynyń sany 80, al jumyskerler úshin– 60 suraqty quraıdy.
32. Test suraqtary jyl saıyn, 1 aqpannan keshiktirmeı jumyskerler úshin memlekettik arhıvtiń basshysymen, al basshylar úshin arhıv isi jáne qujattama salasyndaǵy ýákiletti memlekettik organymen nemese arhıv salasynyń jergilikti atqarýshy organymen ázirlenedi jáne bekitiledi. Test suraqtary jaýaptarynyń bireýi durys bolatyn keminde úsh nusqany qamtýǵa tıis.
33. Testileý nátıjeleri balmen baǵalanady jáne sol tapsyrylǵan kúni habarlanady. Árbir test suraqtarynyń durys jaýaby bir balmen baǵalanady.
34. Testileý nátıjelerin oń dep taný úshin negiz bolyp tabylatyn durys jaýaptardyń shekti deńgeıi testterde qamtylǵan suraqtar sanynan basshylar úshin 80 %, al jumyskerler úshin 70 %-dy quraıdy.
Testileý kezeńiniń shekti deńgeıine jetpegen jumyskerler suhbattasýǵa ótkizilmeıdi jáne qaıta attestattaýdan ótýge jatady.
5. Suhbattasýdy jáne
qaıta attestattaýdy ótkizý
35. Atqaratyn laýazymyna sáıkestigine jáne fýnksıonaldyq mindetterin oryndaǵanda quzyrettiligine suhbattasý attestattalanýshynyń tańdaýymen qazaq nemese orys tilinde júrgiziledi.
36. Komıssııa usynylǵan materıaldardy zerdeleıdi jáne attestattalanýshy jumyskerdiń jaýaptaryn tyńdaıdy. Attestattalanýshy jumyskerdiń kásibı, iskerlik jáne jeke qasıetterin talqylaý shynaıy, sypaıylyq jáne tilektestik jaǵdaıynda ótýi qajet.
37. Usynylǵan materıaldardy zerdeleý, testileý nátıjeleri jáne attestattalanýshy jumyskermen suhbattasý nátıjeleri boıynsha komıssııa mynadaı sheshimderdiń bireýin qabyldaıdy:
1) atqaratyn laýazymyna sáıkes;
2) qaıta attestattaýǵa jatady.
Komıssııa oń sheshim shyǵarǵanda jumyskerdiń tıisti biliktilik sanatyn (razrıadyn) belgileıdi (rastaıdy), ne ony belgileýge negiz joq ekendigin kórsetedi.
38. Qaıta attestattaý bastapqy attestattaý ótken kúnnen bastap úsh aı ótkennen keıin, osy Qaǵıdada anyqtalǵan tártipte ótedi. Qaıta attestattaý nátıjeleri boıynsha komıssııa mynadaı sheshimderdiń bireýin qabyldaıdy:
1) atqaratyn laýazymyna sáıkes;
2) atqaratyn laýazymyna sáıkes emes.
Atqaratyn laýazymyna sáıkes bolǵan jaǵdaıda komıssııa osy Qaǵıdanyń 37-tarmaǵy ekinshi abzasyn eskere otyryp sheshim qabyldaıdy.
Komıssııamen atqaratyn laýazymyna sáıkes emestigi týraly sheshimdi qabyldaý attestattaýdyń teris nátıjesi bolyp tabylady. Basshylar men jumyskerdiń attestattaýdaǵy teris nátıjesi ony laýazymynan tómendetý úshin, al eger ol usynylǵan laýazymǵa ornalasýdan bas tartqan jaǵdaıda, jumystan bosatý úshin negiz bolady.
39. Komıssııanyń baǵalary men usynymdary otyrysqa qatysqan komıssııa múshelerimen qol qoıylatyn attestattaý paraǵynda belgilenedi.
40. Komıssııanyń sheshimi osy Qaǵıdanyń 2-qosymshasyna sáıkes nysan boıynsha hattamamen resimdeledi, oǵan onyń otyrysyna qatysqan komıssııa músheleri men hatshy qol qoıady.
Komıssııa sheshimi attestattaý ótkizilgen kúnnen bastap bir aılyq merzimde basshymen bekitiledi.
41. Komıssııa hatshysy attestattalanýshyny komıssııanyń sheshimimen tanystyrady. Jumysker attestattaý paraǵymen tanystyrylǵan soń qol qoıýdan bas tartsa, komıssııa hatshysymen kúni jáne qoly qoıylǵan tıisti jazý qaldyrady.
42. Attestattaý paraǵy, qyzmettik minezdeme, komıssııanyń sheshimi attestattalanýshynyń jeke isinde saqtalady.
6. Komıssııa sheshimine shaǵymdaný
43. Jumysker komıssııanyń sheshimine Qazaqstan Respýblıkasynyń zańnamasymen belgilengen tártippen shaǵymdanýǵa quqyǵy bar.
44. Osy Qaǵıda talaptarynyń buzylǵandyǵy anyqtalǵan jaǵdaıda basshy buıryqty ózgertýge jáne qaıta attestattaý taǵaıyndaýǵa quqyǵy bar. Qaıta attestattaý osy Qaǵıdanyń 38-tarmaǵyna sáıkes júrgiziledi.
Qazaqstan Respýblıkasy memlekettik arhıv mekemeleriniń azamattyq qyzmetshilerin attestattaýdan ótkizý qaǵıdalaryna 1-qosymsha
nysan
Attestattaý paraǵy
Attestattaý túri: kezekti ____ qaıtadan ótý ___(keregin H belgisimen belgileńiz).
1. Aty-jóni, tegi _____________________________________________
____________________________________________________________________
2. Týǵan kúni «___»_______________________jyly.
3. Bilimi, biliktiligin arttyrý men qaıta daıarlanýy týraly málimetter (qashan jáne qandaı oqý ornyn támamdaǵan, bilimi boıynsha mamandyǵy jáne biliktiligi, biliktiligin arttyrý jáne qaıta daıarlaný týraly qujattar, ǵylymı dárejesi jáne ǵylymı ataǵy, olardyń berilgen kúni)
____________________________________________________________________
____________________________________________________________________
____________________________________________________________________
4. Atqaratyn laýazymy men taǵaıyndalǵan kúni, biliktilik sanaty(razrıady)
____________________________________________________________________
____________________________________________________________________
5. Jalpy eńbek ótili - ________________________________________
6. Osy laýazymdaǵy jalpy eńbek ótili:_____________________________
7. Attestattalanýshy tikeleı basshysynyń qyzmettik sıpattamasy negizinde qyzmetin baǵalaý
_________________________________ ___________________________________
_________________________________
8. Otyrysqa attestattaý komıssııasynyń _______ múshesi qatysty.
9. Daýys berý nátıjesi boıynsha, attestattalanýshynyń qyzmetin baǵalaý:
1) atqaratyn laýazymyna sáıkes __________________________;
(daýystar sany)
2) attestattaýdan qaıtadan ótýge tıis _________________________;
(daýystar sany)
3) atqaratyn laýazymyna sáıkes emes _____________________;
(daýystar sany)
10. Biliktilik sanatyn berý:
1) ________________ (jazbasha) biliktilik sanatyna sáıkes;
2) ________________ (jazbasha) biliktilik sanatyn berý úshin negiz joq.
11. Attestattalanýshynyń pikiri: _______________________________
12. Attestattaý komıssııasynyń usynymdary (olardyń qaı sebeptermen
berilgenin kórsete otyryp): _______________________________________.
Attestattaý komıssııasynyń tóraǵasy: __________________ (qoly)
Attestattaý komıssııasynyń hatshysy: ___________________ (qoly)
Attestattaý komıssııasynyń músheleri: ________________(qoldary)
Attestattaýdy ótkizý kúni 20___ jylǵy «___» __________
Attestattaý paraǵymen tanystym: _________________________
______________________________(azamattyq qyzmetshiniń qoly men qol qoıǵan kúni).
Qazaqstan Respýblıkasy memlekettik arhıv mekemeleriniń azamattyq qyzmetshilerin
attestattaýdan ótkizý qaǵıdalaryna 2-qosymsha
nysan
Attestattaýshy uıymnyń basshysymen bekitilgen
_____________________________________qoly
(qolynyń maǵynasyn ashý)
20___jylǵy «___»_________________________
______________________________________________________________
(memlekettik arhıvtiń ataýy)
№ _____hattama
О́tkizilgen orny О́tkizilgen kúni
Komıssııa tóraǵasy:
Komıssııa hatshysy:
Komıssııa músheleri:
Qatysqandar: (attestattalanýshylar jumys isteıtin
bólimshelerdiń basshylary men basqa da shaqyrylǵandardyń aty-jóni, tegi)
_________________________________________ Attestattaý materıaldary
qaraldy (aty-jóni, tegi, laýazymy, qurylymdyq bólimshe)
Attestattalanýshyǵa qoıylǵan suraqtar jáne onyń jaýaptary_____________
_______________________________________________________________
Attesttaý komıssııasy músheleriniń óz sheshimine negizdeme:
_______________________________________________________________
_______________________________________________________________
_______________________________________________________________
Daýys berýshiler sany: qoldady _______; qarsy_______.
Attestattaý komıssııasynyń tóraǵasy: __________________ (qoly)
Attestattaý komıssııasynyń hatshysy: ___________________ (qoly)
Attestattaý komıssııasynyń músheleri: ________________(qoldary)
20___ jylǵy «___» ____________
Buıryq Qazaqstan Respýblıkasynyń Ádilet mınıstrliginde 2015 jylǵy 31 jeltoqsandaǵy Normatıvtik quqyqtyq kesimderdi memlekettik tirkeýdiń tizilimine №12737 bolyp engizildi.