2015 jylǵy 9 qarasha, Astana qalasy
«Shetelge, onyń ishinde «Bolashaq» halyqaralyq stıpendııasy sheńberinde oqýǵa jiberý máseleleri boıynsha memlekettik kórsetiletin qyzmetter standarttaryn bekitý týraly» Qazaqstan Respýblıkasy Bilim jáne ǵylym mınıstriniń 2015 jylǵy 9 sáýirdegi № 187 buıryǵyna ózgerister men tolyqtyrýlar engizý týraly
«Memlekettik qyzmetter týraly» Qazaqstan Respýblıkasynyń 2013 jylǵy 15 sáýirdegi Zańy 10-babynyń 1) tarmaqshasyna sáıkes, «Memlekettik kórsetiletin qyzmetter tizilimin bekitý týraly» Qazaqstan Respýblıkasy Úkimetiniń 2013 jylǵy 18 qyrkúıektegi № 983 qaýlysyna ózgerister men tolyqtyrýlar engizý týraly» Qazaqstan Respýblıkasy Úkimetiniń 2015 jylǵy 8 qyrkúıektegi № 756 qaýlysyn iske asyrý maqsatynda buıyramyn:
1. «Shetelge, onyń ishinde «Bolashaq» halyqaralyq stıpendııasy sheńberinde oqýǵa jiberý máseleleri boıynsha memlekettik kórsetiletin qyzmetter standarttaryn bekitý týraly» Qazaqstan Respýblıkasy Bilim jáne ǵylym mınıstriniń 2015 jylǵy 9 sáýirdegi № 187 buıryǵyna (Qazaqstan Respýblıkasynyń normatıvtik quqyqtyq aktilerdi memlekettik tirkeý tiziliminde № 11195 bolyp tirkelgen, «Ádilet» aqparattyq-quqyqtyq júıesinde 2015 jylǵy 29 mamyrda, «Egemen Qazaqstan» gazetiniń 2015 jylǵy 5 qyrkúıektegi № 169 (28647) sanynda jarııalanǵan) mynadaı ózgerister men tolyqtyrýlar engizilsin:
kórsetilgen buıryqpen bekitilgen «Bolashaq» halyqaralyq stıpendııasyn taǵaıyndaý konkýrsyna qatysý úshin qujattar qabyldaý» memlekettik kórsetiletin qyzmet standartynda:
9-tarmaqta:
11) tarmaqsha mynadaı redaksııada jazylsyn:
«11) taǵylymdamaǵa úmitkerler sanaty boıynsha qatysatyn adamdar «Bolashaq» halyqaralyq stıpendııasyn iske asyrý boıynsha keıbir sharalar týraly» Qazaqstan Respýblıkasy Bilim jáne ǵylym mınıstriniń m.a. 2015 jylǵy 22 mamyrdaǵy № 318 buıryǵymen (Qazaqstan Respýblıkasynyń normatıvtik quqyqtyq aktilerin memlekettik tirkeý tiziliminde № 11258 tirkelgen) (budan ári - № 318 buıryq) bekitilgen jáne taǵylymdamaǵa jiberýshi jáne qabyldaýshy uıymdar bekitken talaptarǵa sáıkes qurylǵan taǵylymdamadan ótý baǵdarlamasyn usynady;»;
15) tarmaqsha mynadaı redaksııada jazylsyn:
«15) bar bolǵan jaǵdaıda, № 318 buıryqpen bekitilgen eń az talaptarǵa sáıkes keletin nátıjemen memlekettik til boıynsha emtıhan tapsyrý týraly qoldanystaǵy resmı sertıfıkatty;»;
16) tarmaqsha alynyp tastalsyn;
kórsetilgen buıryqpen bekitilgen «Bolashaq» halyqaralyq stıpendııasy stıpendıatynyń mártebesi týraly anyqtama berý» memlekettik kórsetiletin qyzmet standartynda:
3-tarmaq 2) tarmaqshasyndaǵy «(HQO) arqyly júzege asyrylady» degen sózder «(HQO);» degen sózdermen aýystyrylyp, mynadaı mazmundaǵy 3) tarmaqshamen tolyqtyrylsyn:
«3) «elektrondy úkimet» veb-portaly (budan ári – portal) arqyly júzege asyrylady.»;
4-tarmaqtyń 1) tarmaqshasy mynadaı mazmundaǵy abzasymen tolyqtyrylsyn:
«portalǵa ótinish bergen kezde - 1 (bir) jumys kúni ishinde;»;
5 jáne 6-tarmaqtar mynadaı redaksııada jazylsyn:
«5. Memlekettik qyzmet kórsetý nysany: elektrondy (ishinara avtomattandyrylǵan) jáne (nemese) qaǵaz júzinde.
6. Kórsetiletin qyzmetti berýshi men HQO-da kórsetiletin memlekettik qyzmet nátıjesi – «Bolashaq» halyqaralyq stıpendııasy stıpendıatynyń mártebesi týraly anyqtama.
Kórsetiletin qyzmetti alýshy portal arqyly ótinish jasaǵan jaǵdaıda, memlekettik qyzmet kórsetý nátıjesi kórsetiletin qyzmetti berýshiniń ýákiletti adamynyń elektrondy sandyq qolymen (budan ári – ESQ) kýálandyrylǵan elektrondy qujat nysanynda kórsetiletin qyzmetti alýshyǵa «jeke kabınetke» jiberiledi.
Memlekettik qyzmet kórsetý nátıjesin usyný nysany: elektrondy jáne (nemese) qaǵaz júzinde.»;
8-tarmaq mynadaı mazmundaǵy 3) tarmaqshamen tolyqtyrylsyn:
«3) portal – táýlik boıy, jóndeý jumystaryn júrgizýge baılanysty úzilisterdi qospaǵanda (kórsetiletin qyzmetti alýshy jumys ýaqyty aıaqtalǵannan keıin, Qazaqstan Respýblıkasynyń eńbek zańnamasyna sáıkes demalys jáne mereke kúnderi ótinish bergen jaǵdaıda ótinish qabyldaý jáne memlekettik qyzmet kórsetý nátıjelerin berý kelesi jumys kúni júzege asyrylady)»;
9-tarmaq mynadaı redaksııada jazylsyn:
«9. Kórsetiletin qyzmetti alýshy (ne notarıaldy kýálandyrylǵan senimhat boıynsha ókil) kórsetiletin qyzmetti berýshige ne HQO-ǵa ótinish bergen kezde memlekettik qyzmet kórsetý úshin qajetti qujattar tizbesi:
1) osy standartqa 1-qosymshaǵa sáıkes stıpendıat mártebesin rastaıtyn anyqtama alýǵa ótinish (kórsetiletin qyzmetti alýshy - stıpendıattar úshin);
2) osy standartqa 2-qosymshaǵa sáıkes bitirýshi mártebesin rastaıtyn anyqtama alýǵa ótinish (kórsetiletin qyzmetti alýshy - bitirýshiler úshin);
3) jeke basyn kýálandyratyn qujat (jeke basty sáıkestendirý úshin talap etiledi).
Kórsetiletin qyzmetti alýshy portal arqyly elektrondy ótinish bergen kezde kórsetiletin qyzmetti alýshynyń ESQ-men kýálandyrylǵan elektrondyq qujattar nysanyndaǵy suraý salýy usynylady.
Kórsetiletin qyzmetti alýshynyń jeke basyn kýálandyratyn qujat týraly málimetti HQO qyzmetkeri jáne kórsetiletin qyzmetti berýshi «elektrondy úkimet» shlıýzi arqyly tıisti memlekettik aqparattyq júıelerden alady.
Kórsetiletin qyzmetti alýshy aqparattyq júıelerdegi zańmen qorǵalatyn qupııany qamtıtyn málimetterdi paıdalanýǵa jazbasha kelisim beredi.
Qujattardy HQO arqyly qabyldaǵan kezde kórsetilgen qyzmetti alýshyǵa tıisti qujattardy qabyldaý týraly qolhat beriledi.
HQO-da daıyn qujattardy berý jeke (ne notarıaldy kýálandyrylǵan senimhat boıynsha onyń ókiliniń) kýáligin usynǵan jaǵdaıda, tıisti qujattardy qabyldaý týraly qolhat negizinde júzege asyrylady.
HQO bir aı ishinde qorytyndyny saqtaýdy qamtamasyz etedi, sodan keıin olardy odan ári saqtaý úshin kórsetiletin qyzmetti berýshige tapsyrady. Kórsetiletin qyzmetti alýshy ótinish bergen jaǵdaıda, bir aı ótkennen keıin HQO-nyń saýaly boıynsha kórsetiletin qyzmetti berýshi bir jumys kúni ishinde memlekettik qyzmet kórsetý nátıjesin kórsetiletin qyzmetti alýshyǵa berý úshin HQO-ǵa jiberedi.
Portalda elektrondy saýal qabyldaý kórsetiletin qyzmetti alýshynyń «jeke kabınetinde» júzege asyrylady.
Portal arqyly ótinish jasaǵan jaǵdaıda, kórsetiletin qyzmetti alýshyǵa «jeke kabınetine» memlekettik qyzmetke saýal qabyldaý týraly mártebe, sondaı-aq memlekettik qyzmet nátıjesin alý kúni men ýaqyty kórsetilgen habarlama jiberiledi (eger memlekettik qyzmet nátıjelerin berý qaǵaz tasymaldaǵyshynda qajet bolsa, ony alý ornyn kórsetý kerek).»;
11-tarmaq mynadaı mazmundaǵy bóliktermen tolyqtyrylsyn:
«Portal arqyly ótinish bergen kezde shaǵymdaný tártibi týraly aqparatty biryńǵaı baılanys ortalyǵynyń 8-800-080-7777 nemese 1414 telefony boıynsha alýǵa bolady.
Portal arqyly shaǵym jibergen kezde kórsetiletin qyzmetti alýshyǵa «jeke kabınetinde» kórsetiletin qyzmetti berýshiniń ótinishti óńdeýi barysynda jańartylyp otyratyn ótinishter týraly aqparat (jetkizilýi, tirkelýi, oryndalýy týraly belgiler, qaraý nemese qaraýdan bas tartý týraly jaýap) qoljetimdi bolady.»;
13-tarmaq mynadaı mazmundaǵy 4) tarmaqshamen tolyqtyrylsyn:
«4) portaldyń www.e.gov.kz ınternet-resýrsynda ornalastyrylǵan»;
mynadaı mazmundaǵy 15 jáne 16-tarmaqtarmen tolyqtyrylsyn:
«15. Kórsetiletin qyzmetti alýshynyń ESQ-sy bolǵan jaǵdaıda memlekettik kórsetiletin qyzmetti portal arqyly elektrondy nysanda alýǵa múmkindigi bar.
16. Kórsetiletin qyzmetti alýshynyń memlekettik qyzmet kórsetý tártibi men mártebesi týraly aqparatty qashyqtyqtan qol jetkizý rejıminde portaldaǵy «jeke kabıneti», sondaı-aq memlekettik qyzmet kórsetý máseleleri jónindegi biryńǵaı baılanys ortalyǵy arqyly alýǵa múmkindigi bar.»;
kórsetilgen buıryqpen bekitilgen «Bolashaq» halyqaralyq stıpendııasynyń stıpendıaty retinde oqýǵa baratyndar úshin kepildik hatyn berý» memlekettik kórsetiletin qyzmet standartynda:
9-tarmaqtyń altynshy abzasy alynyp tastalsyn.
2. Joǵary, joǵary oqý ornynan keıingi bilim jáne halyqaralyq yntymaqtastyq departamenti (S.M. О́mirbaev) zańnamada belgilengen tártippen:
1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin;
2) osy buıryqty Qazaqstan Respýblıkasynyń Ádilet mınıstrliginde memlekettik tirkeýden ótkennen keıin kúntizbelik on kún ishinde merzimdi baspa basylymdarynda jáne «Ádilet» quqyqtyq-aqparattyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasynyń Bilim jáne ǵylym mınıstrliginiń resmı ınternet-resýrsynda ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Bilim jáne ǵylym vıse-mınıstri T.O. Balyqbaevqa júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.