ASTANA. 17 qańtar. Afrıkanyń batysynda ornalasqan Serra-Leone memleketinde ebola indeti qaıta jandana bastady. Soǵan oraı búginde osy elde 100-ge jýyq adam oqshaýlandy. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Elde ebola indetinen taǵy da adamdardyń qaza tabýy tirkelip, 16 qańtar kúni 100-den astam adam karantınge alyndy. «Frans Press» aqparat agenttiginiń habarlaýynsha, indet saldarynan kóz jumǵan qyzben qarym-qatynasta bolýy múmkin degen barlyǵy 109 adam oqshaýlanǵan.
Dúnıejúzilik densaýlyq saqtaý uıymy 15 qańtar kúni Serra-Leonede óte qaýipti ebola indetin qaıta juqtyrý deregin rastady. Budan buryn indettiń batys Afrıkada tolyǵymen toqtatylǵany týraly málimdelgen edi. Derttiń qurbany bolǵan 22 jastaǵy turǵyn qaýipti indetpen jyl basynda aýyryp, 12 qańtar kúni kóz jumǵan. Dárigerler boıjetkenmen qarym-qatynasta bolǵan 27 adamdy anyqtaǵan. Osynyń ózi indettiń qaıtadan tarap ketý qaýpin týdyryp otyr.
Aıta keteıik, ebola indeti 2014 jyly aqpanda Gvıneıada anyqtalǵan edi. Keıinnen indet kórshiles Serra-Leone men Lıberııaǵa tarady. Qaýipti derttińsaldarynan osy úsh elde 11 myń adam qaıtys bolyp, 28 myńnan astamy juqtyrǵan.
Elaman Qońyr.
Derek: RIA «Novostı».
Sýret: tonkosti.ru.