ASTANA. 18 qańtar. Memleket basshysy Parlament Májilisiniń tóraǵasy Qabıbolla Jaqypovpen jáne Premer-Mınıstr Kárim Másimovpen konsýltasııa ótkizdi. Kezdesýge sondaı-aq, Prezıdent Ákimshiliginiń basshysy Nurlan Nyǵmatýlın qatysty. Bul týraly akorda.kz habarlady.
Elbasy Májilis depýtattarynyń kezekten tys Parlament saılaýyn ótkizý týraly bastamasy túrli pikirtalas alańdarynda, sarapshylar arasynda jáne buqaralyq aqparat quraldarynda keńinen talqylanyp jatqanyn aıtty.
Nursultan Nazarbaev qoǵamdyq pikirdi anyqtaýǵa arnalǵan saýalnama da bul usynystyń keńinen qoldaý tapqanyn kórsetip otyrǵanyna nazar aýdardy.
Qabıbolla Jaqypov partııalardyń saılaýshylardan jańa senim mandatyn alý, keń qoǵamdyq uıysý, sondaı-aq, júrgiziletin reformalardy barlyq deńgeıde júzege asyrý úshin Májilis pen máslıhattar is-qımylyn sáıkestendirý qajettigi mundaı sheshimniń qabyldanýyna basty sebep bolǵanyn atap ótti.
Elaman Qońyr.
Derek, sýret: egemen.kz.