ASTANA. 18 qańtar. Elbasy Parlament Senatynyń tóraǵasy Qasym-Jomart Toqaevpen jáne Premer-Mınıstr Kárim Másimovpen konsýltasııa ótkizdi. Kezdesýge sondaı-aq, Prezıdent Ákimshiliginiń Basshysy Nurlan Nyǵmatýlın qatysty. Bul týraly akorda.kz habarlady.
Konsýltasııa barysynda kezekten tys Parlament saılaýyn ótkizý týraly Májilis depýtattarynyń bastamasy qaraldy.
Qazaqstan Prezıdenti bul bastama qazaqstandyqtar arasynda keńinen qoldaý tapqanyn jáne memleket júzege asyryp jatqan tereń reformalar men álemdik naryqtaǵy ahýal turǵysynan ózekti bolyp otyrǵanyn atap ótti.
Sondaı-aq, Memleket basshysy bastamanyń Májilis pen máslıhat saılaýyn biriktirýge, qarjylyq jáne uıymdastyrýshylyq shyǵystardy ońtaılandyrýǵa múmkindik beretinine nazar aýdardy.
Qasym-Jomart Toqaev kezekten tys saılaý ótkizý jónindegi bastama der kezinde kóterilgenin, óıtkeni Májiliske búginde el aldynda turǵan mindetterdi naqty júzege asyrý úshin halyqtyń jańa mandatyn alý qajet ekenin aıtty.
Elaman Qońyr.
Derek, sýret: akorda.kz.