ASTANA. 18 qańtar. Elbasy Konstıtýsııalyq keńes tóraǵasy Igor Rogovpen konsýltasııa ótkizdi. Bul týraly akorda.kz habarlady.
Kezdesý barysynda kezekten tys Parlament saılaýyn ótkizý máselesi talqylandy.
Memleket basshysy Májilis depýtattarynyń úndeýin alǵanyn, onda atalǵan bastamaǵa reformalardy jáne memleket belgilegen daǵdarysqa qarsy sharalardy tıimdi júzege asyrý qajettigi negiz bolǵanyn atap ótti.
Sonymen qatar, Qazaqstan Prezıdenti Parlamenttiń qos palatasynyń tóraǵalarymen jáne Premer-Mınıstrmen konsýltasııa ótkizgenin aıtty.
Igor Rogov Konstıtýsııanyń 63-babynyń 1-tarmaǵyna sáıkes, Parlamentti nemese Parlament Májilisin Qazaqstan Prezıdenti Parlament palatalarynyń tóraǵalarymen jáne Premer-Mınıstrmen konsýltasııadan keıin tarata alatynyn aıtty. Sonymen birge, Konstıtýsııalyq keńes tóraǵasy kezekten tys saılaý Parlament nemese Parlament Májilisi ókilettigin merziminen buryn doǵarǵan kúnnen keıin eki aı ishinde ótkiziletinine nazar aýdardy.
Igor Rogov Májiliske kezekten tys saılaýdy aldaǵy barlyq deńgeıdegi máslıhat saılaýymen bir mezgilde ótkizý Konstıtýsııa normalaryna tolyq saı keletinin atap ótti.
Elaman Qońyr.
Derek, sýret: akorda.kz.