Biz, Qazaqstan Respýblıkasy Aýǵanstan jáne jergilikti soǵys ardagerlerin biriktiretin uıym músheleri depýtattardyń Májilisti taratyp, Parlament pen barlyq deńgeıdegi máslıhattardyń saılaýlaryn kezekten tys ótkizý týraly bastamasyn qoldaımyz.
Qazaqstan jahandyq daǵdarystyń kúsheıgen shaǵynda aýqymdy ınstıtýttyq reformalardyń Ult Jospary men daǵdarysqa qarsy strategııany júzege asyrýda. Tutas qazaqstandyq qoǵamnyń tıimdi, ári úılesimdi jumys isteýi kózdelgen is-sharalardy tabysty iske asyrýdy qamtamasyz etýi tıis.
Parlament – qoǵamnyń eń bedeldi jáne yqpaldy múshelerin biriktiretin basty alańdardyń biri. Bul rette saılaýdy kezekten tys ótkizý eldiń halyq qalaýlylaryna jańa senim mandatyn berýine, sol arqyly halyqtyń barlyq áleýmettik top ókilderine qoldaýyna ıe bolýyna, sonymen qatar, jergilikti ózin ózi basqarý júıesin damytýǵa múmkindik beredi.
Biz, jergilikti qaqtyǵystar ardagerleri qoǵamdaǵy turaqtylyq pen tatýlyqty nyǵaıtý, Jańa Qazaqstandyq Patrıotızmdi qalyptastyrý jáne jastardy Otan aldynda paryzyn múltiksiz atqarý rýhynda tárbıeleý baǵytynda belsendi jumystar atqaramyz.
Bul turǵydan alǵanda Parlament jáne barlyq deńgeıdegi máslıhattar saılaýlary «Máńgilik El» bolý jolyndaǵy asa jaýapty kezeńge aıaq basqan sátte qoǵamnyń birligi men tutastyǵyn, jalpy alǵanda, ekonomıka men memlekettiń nyǵaıa túsýin qamtamasyz etetinine senimdimiz.
Sol sebepti, biz qoǵam ómirine beıjaı qaramaıtyn barlyq qoǵamdyq uıymdar men birlestikterdi depýtattardyń bastamasyn qoldaýǵa jáne sheshim qabyldanǵan jaǵdaıda adal da ashyq saılaý ótkizýge daıyn bolýǵa shaqyramyz.