Taıaý Shyǵystan Eýropaǵa bosqyndar tasymaldap, kontrabandamen aınalysqandar ótken jyly rekordtyq deńgeıde tabys tapqan. Atap aıtqanda, zańsyz jolmen adam tasymaldaýshylar 3 mlrd. dollardan 6 mlrd. dollarǵa deıin paıdaǵa kenelgen.
Eýropol basshysy Rob Ýeınraıttyń aıtýynsha, mundaı derek bir jarym myń bosqyn men ekonomıkalyq mıgranttar qatysqan saýaldama barysynda belgili bolǵan. Olardyń 90 paıyzy Eýropaǵa kelý úshin qylmystyq toptarǵa aqsha tólegenin aıtqan eken. Ortasha eseppen ár bosqyn 3 myńnan 6 myń dollarǵa deıin tólegen.
Sondaı-aq, Eýropol basshysy osy ispen aınalysýshylardyń qylmystyq jelisinde adamdar myńdap sanalatynyn aıtty. Tek 2015 jyldyń ózinde osy iske qatysy bolýy múmkin 11 myń kúdikti anyqtalǵan.
Aıta keteıik, kóshi-qon máselesi jónindegi halyqaralyq uıymnyń málimetterine qaraǵanda, jańa jyldyń alǵashqy eki aptasynda ǵana Eýropaǵa zańsyz jolmen Taıaý Shyǵystan shyqqan 24 myń bosqyn kelgen. Bul ótken jyldyń osy kezeńimen salystyrǵanda, úsh esege kóp.
Ernar MUHAMBET.