Taǵylymy mol tamasha kesh

Keń baıtaq Qazaqstanda ártúrli jıyndar men shyǵarmashylyq keshterdiń ótip jatýy arnaıy sóz etetindeı oqıǵa emes, desek te, «Bul án burynǵy ánnen ózgerek» dep Shákárim aıtqandaı, jaqynda Almatydaǵy Abaı atyndaǵy Qazaq Ulttyq pedagogıkalyq ýnıversıtetinde jazýshy, Memlekettik syılyqtyń laýreaty Sábıt Dosanovtyń Túrkııa men Ázerbaıjanda jaryq kórgen áıgili «Aq arýana» kitabynyń tusaýkeserine jáne Túrkııanyń asa bedeldi eki birdeı syılyǵyn tapsyrýǵa arnalǵan ádebı keshtiń taǵylymy men tárbıelik máni zor boldy. «Aq arýanany» túrik tiline aýdar­ǵan túriktiń kórnekti jazýshysy Imdat Afshar Sábıt Do­sa­novqa Túrkııanyń asa bedeldi eki birdeı syılyǵyn – «Túrik ále­mi­ne sińirgen eńbegi úshin» já­ne Tú­rik álemi ádebı qorynyń «Áde­bı keńistikti keńeıtkeni úshin» syı­lyq­taryn tapsyrdy. Osy ádebı keshke alystan at arytyp kelgen Ázerbaıjan jazýshysy Elhan Zal, Reseı Jazýshylar odaǵy men Más­keýdegi qazaq dıasporasynyń sá­lemin jetkizgen Máskeý ýnıver­sıtetiniń professory, akademık Serik Toıǵambaev, Qyrǵyzstan Pre­­zıdenti syılyǵynyń laýreaty, tý­ysqan qyrǵyzdyń shoń aqyny Marhabaı Aamatov, О́zbekstannyń kórnekti qalamgeri Mehmanqul Is­lamqulov, Qazaqstan Jazýshylar odaǵy basqarma tóraǵasy Ǵalym Jaılybaı, Almaty qalasy áki­miniń ókili Mamaı Ahet, «Aq jol» demokratııalyq partııasy tór­aǵ­asynyń birinshi orynbasary, aqyn Qazybek Isa, Abaı atyndaǵy Qa­zaq Ulttyq pedagogıkalyq ýnı­versıtetiniń rektory, Almaty qa­­­lalyq máslıhatynyń depýta­ty Serik Pirálıev, Qostanaı, Ba­tys Qazaqstan oblysy men As­ta­na qa­la­synan kelgen delegasııa ókil­deri Sábıt Dosanovtyń shy­ǵar­mashylyǵy, qoǵamdyq qyzmeti jaıly tolymdy oılar tolǵady. Ýnıversıtet rektory Serik Pir­álıev ǵylymı keńestiń sheshi­mimen Sábıt Dosanovqa «Abaı atyn­daǵy QazUPÝ-dyń Qurmetti professory» degen ataq berilgenin aıtty, al Qazybek Isa jazýshynyń omyraýyna «Qazaq handyǵyna-550 jyl» kúmis medalin taqty. Jıyn sońynda sóz alǵan Sábıt Dosanov elimizde búgingideı ádebı keshter men mereıtoılardyń ótip jatýy Táýelsizdik pen sol Táýelsizdik týyn tik ustap kele jatqan Pre­zı­dent N.Á.Nazarbaevtyń dana saıa­sa­tynyń, eńbekker qazaq halqy­nyń keńpeıildigi arqasynda múmkin bolyp otyrǵandyǵyn aıtyp, «Baqy­tymyzdy baǵalaı bileıik!» dep túıdi óz oıyn. Ásem ánmen árlenip, kúmbir­legen kúmis kúımen kómkerilgen bul kesh toı toılaý ǵana emes, kór­nekti tul­ǵalar oı tolǵaǵan tár­bıe­lik máni zor, taǵylymy mol tamasha kesh boldy. Nazar QASYM.