QYZYLORDA. 18 qańtar. 12-18 qańtar aralyǵynda Astana qalasynda velosporttan ótken Qazaqstan chempıonatynda qyzylordalyq velosportshylar 8 medal alyp, jalpykomandalyq esepte úshinshi oryndy ıelendi. Bul týraly egemen.kz tilshisi habarlady.
Skretch saıysynda erler arasynda Robert Gaıneev jeńimpaz atansa, Karım Býzın kúmis medaldi moınyna taqty. Qyzdar arasynda Januıa Seıtova kúmis, Vıktorııa Pastarnık qola júldeni enshiledi.
Sprınt saıysynda Artýr Eralıev 2-oryn aldy. Al komandalyq sprıntte Asylhan Turar, Artýr Eralıev, Robert Gaıneevter qola júldeger atandy. Sondaı-aq, toptyq jarysta qyzdar arasynda Januıa Seıtova 1-oryndy jeńip aldy. Erler arasynda Robert Gaıneev 3-orynǵa ıe boldy.
Jarys qorytyndysynda Qyzylorda oblysynan 5 sportshy osy jyldyń 24-28 qańtar kúnderi Japonııada bolatyn Azııa chempıonatyna joldama aldy. Olar: Karım Býzın, Artýr Eralıev, Robert Gaıneev, Januıa Seıtova jáne Vıktorııa Pastarnık.
№3 oblystyq velosport jónindegi olımpıadalyq rezervtiń mamandandyrylǵan balalar-jasóspirimder mektebinde jáne oblystyq joǵary sport sheberligi mektebinde tálim alatyn sportshylardy jarysqa Berik Kópeshov pen Rýslan Iаgafarov daıyndady.
Erjan Baıtiles.
Derek, sýret: egemen.kz.