Aldymen, osyndaı qadamǵa barýǵa qandaı qajettilik boldy degen saýalǵa jaýap izdep kóreıik. Bul rette eń birinshi oıǵa álemniń qazirgi geosaıası jaǵdaıy oralady. О́ıtkeni, ekonomıkalyq daǵdarys kún ótken saıyn kúrdelenip barady. Ol azdaı, sarapshy mamandar aldaǵy ýaqytta munaıdyń bir barreliniń baǵasy 30 dollardan da tómen túsetinin aıtyp, dabyl qaǵýda. Sondaı-aq, alyp memleketterdiń arasyndaǵy kıkiljińder de otqa maı quıyp otyr. Mine, osynyń bári jahandyq ekonomıkalyq daǵdarystyń jaı ǵana ýshyqpaı, jańa qarqyn ala bastaǵanynan habar beredi. Májilis jáne barlyq deńgeıdegi máslıhattar depýtattarynyń saılaýyn kezekten tys ótkizýdi sonyń bir tetigi dep bilemin. Sondyqtan Qazaqstan Respýblıkasynyń azamaty, elimniń patrıoty jáne úkimettik emes uıymnyń ókili retinde Májilis depýtattarynyń bul bastamasyn tolyq qoldaımyn.
Saılaýdyń taǵy bir artyqshylyǵy, osy kezde halyq óz tańdaýyn jasaýǵa múmkindik alady. Bul – Májilis jáne máslıhat depýtattary halyqtyń senimine qol jetkizedi degen sóz. Al eldiń senimi adamǵa jiger berip, rýhyn kúsheıtedi. О́z kezeginde bul qasıetter aldymyzda turǵan «100 naqty qadam» Ult Josparyn, bes ınstıtýttyq reformany jáne damyǵan 30 eldiń qataryna qosylý strategııasyn júzege asyrýda septigin tıgizedi.
Osy rette, saılaýdan keıin Parlamenttiń quramy qanshalyqty jańarady degen zańdy suraq týyndaıdy. Birinshiden, isker azamattar kelýi tıis. Ekinshiden, eli úshin otqa túsýden taıynbaıtyn patrıottar kerek. Úshinshiden, eldiń muńyn muńdap, joǵyn joqtaıtyn shyn janashyr azamattar keledi dep úmittenemin. Mine, sonda ǵana biz kez kelgen ekonomıkalyq qıyndyqtarǵa tótep beretin bolamyz. Mundaı pikirdi, mundaı oıdy tek men emes, barsha halyq aıtyp otyr. Olardyń arasynda kezekten tys Májilis pen barlyq deńgeıdegi máslıhattar saılaýlaryn ótkizýdi qoldaıtyn stýdentter de bar.
Zııabek QABYLDINOV,
L.N. Gýmılev atyndaǵy Eýrazııa ulttyq ýnıversıtetiniń professory, «Eýrazııa» gýmanıtarlyq ǵylymı-zertteýler ortalyǵynyń dırektory.