ALMATY. 20 qańtar. Táýelsizdiktiń 25 jyldyǵyna baılanysty Almaty kitaphanalary birqatar shara uıymdastyrmaq. Bul týraly egemen.kz tilshisi habarlady.
Ata-babalarymyz armandaǵan Táýelsizdigimizge – bıyl 25 jyl. Osy oraıda urpaq tárbıesine qomaqty úles qosyp júrgen kitaphanalar da mereıtoıly jylda birqatar shara ótkizýdi josparlap otyr. Táýelsizdigimizge táý ete otyryp alǵashqy is-shara QR Ulttyq Ulannyń «Ońtústik» óńirlik qolbasshylyǵyna qarasty 5571 áskerı bóliminde «Táýelsizdigimiz tuǵyrly, memlekettigimiz ǵumyrly bolsyn!» degen atpen bastaý aldy.
Sharaǵa Jambyl atyndaǵy memlekettik jasóspirimder kitaphanasynyń dırektory Sapaqova Gúlsim Saǵatpaıqyzy, Almaty tehnologııalyq ýnıversıtetiniń tárbıe jónindegi prorektory Batholdın Qaltaı Seıtqajyuly
QR Jazýshylar Odaǵynyń hatshysy, aqyn Maraltaı Raıymbekuly qatysty.
...Tamyrynan taratylyp tekti sóz,
Al, armanshyl asyl halqym kókti kez.
Kók baıraqty, qyran tekti qazaqqa
Kún astynda qanat jaıar jetti kez! –deıtin aqyn Maraltaıdyń rýhty jyrlary sarbazdardy serpiltti. Sharada táýelsizdiktiń qundylyǵy týraly aıtyldy.
QR Ulttyq Ulannyń 5571 áskerı bólimshesiniń tárbıe jáne áleýmettik-quqyqtyq jumystary boıynsha bólim basshysy Arman Kerimqululy kelgen qonaqtar men sarbazdardy quttyqtap, osy sharaǵa belsene qatysqandarǵa qolbasshylyq atynan alǵys hattar tapsyrdy.
Saltanatty jıyn sońynan dástúrli ánshiler: Baqtııar Aqymjan, Álibı Bekaıdar, Azat Bolatuly jáne jas estrada ánshisi Baǵlan Darhan án-jyrdan shashý shashty.
Aınash Esalı.
Derek, sýret: egemen.kz.