PETROPAVL. 20 qańtar. Qyzyljarda Kreshenıe meıramyna turǵyndardyń qyzyǵýshylyǵy jyl ótken saıyn artyp keledi. Bıyl oblys ortalyǵynda 15 myńǵa jýyq adam Esil ózeni jaǵalaýyna ornatylǵan oıyqtarda shomylyp, densaýlyqtaryn shyńdaýmen qatar rýhanı jaǵynana da tazara bildi. Bul týraly egemen tilshisi habarlady.
Bul kúni «ıordan» sýyna asyǵýshylardyń arasynda jastar qatary da qalyń boldy. Kúnniń kúrt sýytýy olardyń dinı rásimderdi atqarýyna esh bóget bolǵan joq. Jedel-qutqarý jasaǵynyń jeke quramy qalalyq jaǵajaılarda sýǵa túsý oryndarynyń qaýipsizdigin jiti qadaǵalady. Saqyldaǵan sary aıazǵa qaramastan arnaıy 4 kólik jáne jedel-qutqarý jasaǵynyń 20 qutqarýshysy, 2 medısınalyq qyzmetker kezekshilik atqardy.
Aldyn ala derekter boıynsha dinı is-sharaǵa 15 myńǵa tarta petropavldyqtyń qatysqany tirkeldi. Al, quty ydystarǵa «ıordan» sýyn quıyp alýshylarda esep bolmady.
О́mir Esqalı.
Derek, sýret: egemen.kz.