ASTANA. 20 qańtar. Búgin Qazaqstan Respýblıkasynyń Prezıdenti Nursultan Nazarbaev besinshi shaqyrylǵan Qazaqstan Respýblıkasy Parlamentiniń Májilisin taratý jáne Qazaqstan Respýblıkasy Parlamenti Májilisi depýtattarynyń kezekten tys saılaýyn taǵaıyndaý týraly Jarlyqqa qol qoıdy. Bul týraly Aqordanyń baspasóz qyzmeti habarlady.
Jarlyq Qazaqstan Respýblıkasy Konstıtýsııasynyń 44-babynyń 2) tarmaqshasyna, 63-babynyń 1-tarmaǵyna, «Qazaqstan Respýblıkasyndaǵy saılaý týraly» Qazaqstan Respýblıkasy Konstıtýsııalyq zańynyń 85-babyna negizdelip shyǵaryldy. Onda besinshi shaqyrylǵan Parlament Májilisin taratý, partııalyq tizimder boıynsha saılanatyn Parlament Májilisi depýtattarynyń kezekten tys saılaýyn 2016 jylǵy 20 naýryzǵa taǵaıyndaý, Qazaqstan halqy Assambleıasy saılaıtyn Qazaqstan Respýblıkasy Parlamenti Májilisi depýtattarynyń kezekten tys saılaýyn 2016 jylǵy 21 naýryzǵa taǵaıyndaý atap kórsetilgen. Qaýlyda sondaı-aq Qazaqstan Respýblıkasy Ortalyq saılaý komıssııasyna Parlament Májilisi depýtattarynyń kezekten tys saılaýyn daıyndaýdy jáne ótkizýdi uıymdastyrý tapsyrylǵan.
Osyǵan oraı Qazaqstan Respýblıkasynyń Úkimetine, Astana jáne Almaty qalalarynyń, oblystardyń ákimderine Parlament Májilisi depýtattarynyń kezekten tys saılaýyn uıymdyq, materıaldyq-tehnıkalyq jáne qarjylyq qamtamasyz etý jónindegi barlyq qajetti sharalardy kidirissiz qabyldaý júktelgen.
Jarlyq búginnen bastap kúshine endi.
Elaman Qońyr.
Derek, foto: Aqorda saıty.