2015 jylǵy 31 jeltoqsan, Astana, Úkimet Úıi
Advokat kórsetken quqyqtyq konsýltasııa berý túrindegi tegin zań kómegin esepke alýdy júrgizý qaǵıdalaryn bekitý týraly
«Advokattyq qyzmet týraly» 1997 jylǵy 5 jeltoqsandaǵy Qazaqstan Respýblıkasynyń Zańy 6-babynyń 5-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Advokat kórsetken quqyqtyq konsýltasııa berý túrindegi tegin zań kómegin esepke alýdy júrgizý qaǵıdalary bekitilsin.
2. Osy qaýly 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2015 jylǵy 31 jeltoqsandaǵy
№1150 qaýlysymen bekitilgen
Advokat kórsetken quqyqtyq konsýltasııa berý túrindegi
tegin zań kómegin esepke alýdy júrgizý qaǵıdalary
1. Jalpy erejeler
1. Osy Advokat kórsetken quqyqtyq konsýltasııa berý túrindegi tegin zań kómegin esepke alýdy júrgizý qaǵıdalary (budan ári - Qaǵıdalar) «Advokattyq qyzmet týraly» Qazaqstan Respýblıkasynyń Zańy (budan ári - Zań) 6-babynyń 5-tarmaǵyna sáıkes ázirlendi.
2. Qaǵıdalarda Zańnyń 6-babynyń 1-tarmaǵynda kórsetilgen jeke tulǵalarǵa advokat kórsetken quqyqtyq konsýltasııa berý túrindegi zań kómegin esepke alý tártibi aıqyndalady.
2. Advokat kórsetken quqyqtyq konsýltasııa berý gúrindegi
tegin zań kómegin esepke alýdy júrgizý tártibi
3. Advokat Zańnyń 6-babynyń 1-tarmaǵynda kórsetilgen jeke tulǵalarǵa quqyqtyq konsýltasııa berý túrindegi tegin zań kómegin esepke alýdy Advokat kórsetken quqyqtyq konsýltasııa berý túrindegi tegin zań kómegin esepke alý tiziliminde (budan ári - tizilim) júrgizedi.
4. Tizilim jýrnal nysanyndaǵy qaǵaz jetkizgishte jasalady. Jýrnal nómirlenýge, tigilýge jáne zań konsýltasııasynyń nemese advokat keńsesiniń mórimen, al advokattyq qyzmet jeke dara júrgizilgen jaǵdaıda - advokattyń mórimen bekemdelýge tıis.
Tizilim osy Qaǵıdalarǵa sáıkes nysan boıynsha júrgiziledi.
5. Tizilim qara nemese kók tústi sııamen memlekettik nemese orys tilinde toltyrylady. Tizilim jazbalaryn túzetýshi suıyqtyq qoldanýmen tazartýǵa jol berilmeıdi.
6. Tizilim mynany bildiretin baǵandardan turady:
1-baǵan - rettik nómiri;
2-baǵan - jeke tulǵanyń zań kómegine júgingen kúni;
3-baǵan - jeke tulǵanyń tegi, aty, ákesiniń aty (bar bolǵan kezde);
4-baǵan - zań kómegin alýǵa júgingen adamnyń jeke basyn kýálandyratyn qujattyń, al zań kómegin alýǵa ókil júgingen jaǵdaıda - ókildiń ókilettilikterin kýálandyratyn qujattyń da ataýy men derektemeleri;
5-baǵan - quqyqtyq konsýltasııa berý túrindegi zań kómegin alý úshin negiz bolyp tabylatyn qujattyń ataýy men derektemeleri;
6-baǵan - jeke tulǵanyń nemese onyń ókiliniń turǵylyqty jeri;
7-baǵan - quqyqtyq máseleniń máni;
8-baǵan - kórsetilgen zań kómeginiń nysany (aýyzsha nemese jazbasha konsýltasııa berý, aryzdy, shaǵymdy, ótinishhatty jáne basqa da quqyqtyq sıpattaǵy qujattardy jasaý);
9-baǵan - zań kómegin kórsetýge baılanysty advokattyń jumys jasaý ýaqytynyń uzaqtyǵy;
10-baǵan - kúni, jeke tulǵanyń nemese onyń ókiliniń zań kómegin alýy týraly qoly;
11-baǵan - kúni, advokattyń qoly.
7. Málimetter jeke tulǵanyń zań kómegine júgingen kúni nemese zań kómegi naqty kórsetilgen kúni tizilimge engiziledi.
8. Tizilim úsh jyl boıy saqtalýǵa jatady.
Advokat kórsetken quqyqtyq konsýltasııa berý túrindegi tegin zań kómegin
esepke alýdy júrgizý qaǵıdalaryna qosymsha
Nysan
Advokat kórsetken quqyqtyq konsýltasııa berý túrindegi
tegin zań kómegin esepke alý tizilimi
R/s № Jeke tulǵanyń zań kómegine júgingen kúni Jeke tulǵanyń tegi, aty, ákesiniń aty (bar bolǵan kezde) Zań kómegin alýǵa júgingen adamnyń jeke basyn kýálandyratyn qujattyń, al zań kómegin alýǵa ókil júgingen jaǵdaıda – ókildiń ókilettilikterin kýálandyratyn qujattyń da ataýy men derektemeleri Quqyqtyq konsýltasııa berý túrindegi zań kómegin alý úshin negiz bolyp tabylatyn qujattyń ataýy men derektemeleri Jeke tulǵanyń nemese onyń ókiliniń turǵylyqty jeri Quqyqtyq máseleniń máni Kórsetilgen zań kómeginiń
nysany (aýyzsha nemese
jazbasha konsýltasııa berý, aryzdy, shaǵymdy, ótinish hatty jáne basqa da quqyqtyq sıpattaǵy qujattardy jasaý) Zań kómegin kórsetýge baılanysty advokattyń jumys jasaý ýaqytynyń uzaqtyǵy Kúni, jeke tulǵanyń nemese
onyń ókiliniń zań kómegin alýy týraly qoly Kúni, advokattyń qoly
1 2 3 4 5 6 7 8 9 10 11