ATYRAÝ. 21 qańtar. Atyraý oblystyq ishki ister departamentine arnaıy maqsattaǵy FB 38STAB SF kateri 2013 jyly memlekettik satyp alý portalyndaǵy ashyq konkýrs nátıjesimen alyndy. Katerdiń jalpy quny 178 mln. 571 myń teńgeni (qosymsha qun salyǵynsyz) nemese 958 myń 488 eýrony (qosymsha qun salyǵyn qosqanda) qurady. Bul týraly oblystyq ishki ister departamentiniń baspasóz qyzmeti habarlady.
«Jetkizýshiniń aqparaty boıynsha, katerdiń jalpy qunyna kelesi shyǵyndar kiredi: 95 myń eýro – qosalqy jabdyqtar: navıgasııalyq jabdyq, radar, Intercom júıesi, kemeni basqarýdyń (porttaǵy manevrler) ishki blogy, artty kórsetý kamerasy, qarý qoıatyn tuǵyr, katerdiń aldyńǵy bóligindegi aınalatyn oryndyq; 25 myń eýro – Almatyǵa deıin jetkizý, saqtandyrýdy qosa eseptegende; 117 myń eýro – elge kirgizgendegi baj salyǵy, 20% esepteý; 84 myń 240 eýro – ımporttyq 12% qosymsha qun salyǵy; Osylaısha, kedendik rásimnen keıin katerdiń ózindik quny 786 myń 240 eýrony qurady, dıstrıbıýtordyń marjasy – 20% (157 myń 248 eýro); 15 myń eýro – satyp alýdy qarjylandyrý, banktiń aqsha aýdarý komıssııasy. Nátıjesinde Atyraý qalasynda kater baǵasy 958 myń 488 eýrony (sol kezdegi kýrspen 196 mln. 490 myń 40 teńge) qurady», – delingen Atyraý oblystyq ishki ister departamenti taratqan arnaıy habarlamada.
Bul kater Kaspıı teńiziniń akvatorııasynda patrýldik-ınspeksııalyq qyzmet atqarý úshin arnaıy jabdyqtarmen jaraqtalǵan. Kater árqaısysynyń 500 at kúshi bar qos dızeldik qozǵaltqyshpen jaraqtalǵan. Jalpy qýaty 1000 attyń kúshine teń. Eń joǵary jyldamdyqpen júretin katermen «sý polısııasynyń» qyzmetkerleri zańsyz aınalymnan 166 tonna balyq, onyń ishinde, 5 tonna bekire tuqymdas balyq, sonymen birge, 200-ge jýyq júzý quraldary tárkilengeni aıtylady. Alaıda, katerdiń qaı elden tapsyryspen ákelingeni habarlanǵan joq.
Joldasbek Shópeǵul.
Derek: Atyraý oblystyq ishki ister departamentiniń baspasóz qyzmeti.
Sýret: nur.kz.