ATYRAÝ. 21 qańtar. Atyraýdaǵy №5546 áskerı bóliminde kelisimshartpen qyzmet etetin serjant Muhtar О́rbisinov «Qoǵamdyq tártipti qorǵaǵany úshin» tósbelgisimen marapattaldy. Bul týraly egemen.kz tilshisi habarlady.
Eske sala ketelik, buǵan deıin áskerı serjant Muhtar О́rbisinov óz úıi mańyndaǵy «Ataba» sýpermarketinde esinen tanyp qalǵan 1,5 jastaǵy Mádınany ólimnen qutqaryp qalýǵa kómekteskenin habarlaǵan edik. Ol ózi shaqyrǵan «jedel járdem» bırgadasy kelgenge deıin feldsher mamandyǵyn meńgergen áıeli Samalmen birge kishkentaı bóbektiń dene qyzýy túsýine, óz-ózine kelýine qol ushyn sozǵan bolatyn. «Jedel járdem» brıgadasy erli-zaıypty Muhtar men Samaldyń alǵashqy medısınalyq kómekti durys kórsetkenin joǵary baǵalady. Al Mádınanyń ákesi Erbolat Dáýletqalıev áskerı bólim basshylyǵyna serjant Muhtar О́rbisinovtiń qyzynyń ómirin saqtap qalýǵa kómekteskenine alǵyc bildirgen hatyn joldady.
Ulttyq gvardııa «Batys» óńirlik qolbasshylyǵynyń qolbasshysy, general-maıor Q.Aqtanovtyń buıryǵymen kelisimshart qyzmetiniń serjanty Muhtar О́rbisinov «Qoǵamdyq tártipti qorǵaǵany úshin» tósbelgisimen marapattaldy. Tósbelgini arnaıy ótkizilgen saltanatty sharada №5546 áskerı bólimi komandıriniń mindetin atqarýshy E.Iýdın tapsyrdy.
Joldasbek Shópeǵul.
Derek, sýret: egemen.kz.