QARAǴANDY. 21 qańtar. Qaraǵandyda qarjy mekemeleriniń tutynýshylary mingen avtokólikterden aqsha urlaý oqıǵalary kóbeıip barady. Sol sebepti oblystyq IID basshylyǵy polısııa jasaǵyn kúsheıtý týraly sheshim qabyldady. Bul týraly oblystyq IID baspasóz qyzmetine silteme jasaǵan egemen. kz tilshisi habarlady.
Qylmyskerler kóbine avtokólikterdiń dońǵalaǵyn tesip ketedi eken. Sodan keıin kólik ıesiniń ábigerge tuskenin ańdyp turyp, mashınanyń ishindegi aqshany sypyryp áketetin kórinedi. Osyndaı oqıǵanyń biri Qaraǵandydaǵy iri banktiń janynda oryn aldy. Temirtaýdyń eki turǵyny jeke kásipkerdiń «Dodj» kóliginiń jelin shyǵaryp, ishindegi aqshany urlamaq bolǵan. Biraq ta, olardyń bul qýlyǵyn jaqyn mańdaǵy polısııa qyzmetkerleri kórip qalyp, urylardy sol jerde ustap alǵan.
Qazirgi ýaqytta kúdiktiler ýaqytsha ustaý ızolıatorynda qamaýda otyr. Sotqa deıingi tergeý amaldary júrgizilýde.
Qaırat Ábildınov.
Derek: egemen.kz.
Sýret: news.caravan.kz.