KО́KShETAÝ. 21 qańtar. Aqmola oblysynda turatyn ınsýlt dıagnozdy naýqastar budan bylaı operasııany tegin jasatatyn bolady. Bul týraly «24.kz» telearnasyna silteme jasaǵan egemen.kz tilshisi habarlady.
Osy kezde deıin bul operasııanyń quny 4 mln. teńgeniń ústinde edi. Al ıInsýlttiń aldyn alýǵa kómektesetin mundaı kúrdeli em-dom sharalary buryn tek Astana jáne Almaty qalalarynda ǵana jasalatyn. Kókshetaý óńiriniń dárigerleri buǵan Astanadaǵy ulttyq neırohırýrgııa ortalyǵy ókilderimen tájirıbe almasý arqyly qol jetkizdi.
Mamandardyń aıtýynsha, budan bylaı neırohırýrgtar endovaskýlıarlyq ádispen adamnyń bassúıegin burynǵydaı ashpaıdy. Buǵan qosa, onyń teri de zaqym kórmeıdi. О́ıtkeni, operasııa pyshaqtyń qatysýynsyz oryndalady.
- Mı qantamyrlaryna operasııa jasaý úshin bizge endi bir kishkene tesik qana jetkilikti. Sol arqyly arnaıy quraldarymyzdy engizip, basta paıda bolǵan arterıaldy anevrızmdi jabamyz. Operasııadan keıingi beıimdelý kezeńi de tez ótedi. Bul - damyǵan elderdiń tájirıbesi, - deıdi oblystyq aýrýhananyń neırohırýrgııa bólimshesniń meńgerýshisi Erlan Aıaǵanov.
Baqbergen Amalbek.
Derek: 24.kz.