Halyq qalaýyna qapysyz qadam

Halyq pen eldiń ıgiligi úshin

Dúnıe dıdaryn daǵdarys tumshalap tur. Biraq, onyń bizdiń elge áseri bolmaýy úshin aldyn ala is-sharalar qolǵa alynyp otyr. Elbasy keshegi halyqqa arnaǵan ún­deýinde halyqaralyq ahýal­dyń kúrdelenip, elder arasyndaǵy qaıshy­lyq­tardyń ulǵaıyp, sank­sııalyq teketirestiń kúsheıe túskenine toqtala kelip, «Barshamyzdyń bir ǵana maqsatymyz bar, ol maqsat –halyq pen eldiń ıgiligi! Bárimiz Qazaqstannyń ósip-órkendeýi jolynda eńbek etip, bar kúsh-jigerimizdi jum­saımyz. Biz birlese otyryp, búgingi zaman aldymyzǵa tosyp otyrǵan barsha qıyndyqtar men syn-qaterlerdi min­detti túrde eńseretin bolamyz», – dedi. Iá, bizdiń aldymyzda úlken maqsat bar. Ol –daǵdarystyń daýylyna qarsy tura bilý, sóıtip, eldiń órkendeýi men gúldenýin odan ári jasampaz istermen jalǵastyra berý. Bul bizdiń elimiz úshin alynbaıtyn asý emes, qol jetpes bıik emes. О́ıtkeni, biz táýelsizdiktiń 25-ke taıaý jylynda talaı qıyndyqty eńserdik, elimizdi álemge jańa qyrynan –órkenıetti, demokratııalyq memleket retinde tanyta aldyq. Jańa tehnologııamen jumys isteıtin zaýyt-fabrıkalar ashylyp, kólik jáne temirjol tarmaqtary jańǵyrtyldy. Tipti alystaǵy aýyldar da eńse tiktedi. Elimizde buryn-sońdy kezdespegen jańa ónimder shyǵarylyp, jańa mamandyqtar ıgerildi. Álemdegi ozyq tehnologııalar óndiristiń ár salasyna engizilip, sol tehnologııa­larda jumys isteıtin básekege qabi­letti mamandarymyz sheteldiń tań­daý­ly ýnıversıtetterinde bilimin jetil­dirýine jol ashtyq. Qazaqtyń jerin baıandy mekenine aınaldyryp, táýelsiz Qazaqstandy eshbir elmen almastyrmas Otanyna balaǵan san alýan etnostardyń tatý­lyǵy men yntymaǵy jahan jur­tynyń qyzyǵyp ta, qyz­ǵanyp qaraıtyn úlgisine aınaldy. El ekonomıkasyn órkendetýdegi jasampaz isterge shaǵyn jáne orta bıznestiń ókilderi de, úkimettik emes uıymdar men qoǵamdyq birlestikter de óziniń úlesin qosyp keledi. Degenmen, barsha qazaqstandyq óziniń azamattyq jaýapkershiligin jete sezinýi tıis. Bul, ásirese, qazirgi zaman aldymyzǵa álemdik qarjy daǵdarysy sekildi qıyn­dyqtar men túrli syn-qaterlerdi tosyp otyrǵan sátte asa mańyzdy bola túsedi. Ásirese, jas býynnyń júre­gin­degi otanshyldyq sezimniń móldirligi men elge adal qyzmet etýdiń jarqyn úlgi­sin kórseter sátimen ushtasyp jatýy tıis. Árıne, jas urpaqty otanshyldyq sezimge baýlý, sonymen birge, eldiń bir­ligi men yntymaǵyn odan ári nyǵaıta berý – barshamyzdyń mindetimiz. Ásire­se, aldaǵy Parlament Májilisi men más­lıhattardyń kezekti saılaýynda da bizdiń birligimiz ben yntymaǵymyz tany­lady, qýatty memleketimiz – Qazaq­stany­myzdaǵy demokratııalyq damý úrdi­sin jańa bıikke kóteretinimizge senim­dimin. О́ıtkeni, bizdiń maqsatymyz ben múddemiz de, tańdaýymyz ben ańsary­myz da – «Máńgilik El». Biz osy ıdeıaǵa toptastyq, demek, halyq pen eldiń ıgi­ligi úshin barlyq qıyndyqty eńse­remiz, barlyq bıikti baǵyndyra alamyz. Beıbit MAMRAEV, H.Dosmuhamedov atyndaǵy Atyraý memlekettik ýnıversıtetiniń rektory, fılologııa ǵylymdarynyń doktory, professor.

Ýaqyt talaby týǵyzǵan úderis

Memleket bas­shy­synyń Parlament de­pýtattarynyń Má­jilisti taratý jáne Par­lament pen bar­lyq deńgeıdegi máslı­hattardyń saılaýlaryn ótkizý týra­ly bastamasyn qol­dap, Jarlyqqa qol qoı­ǵanyn barsha qazaq­stan­dyqtar qýana qarsy aldy. Qazirgi jahandyq daǵdarys barlyq eldi, tipti, damyǵan jetek­shi memleketterdi de qamtýda. Búgingideı búkil álemde úlken tol­qynys týdyrǵan alasapyran kezeńde judyryqtaı jumylyp, bir arnaǵa kúsh biriktirýdiń mańy­zy zor. Memleketimizdiń aldynda osyndaı úlken mindetter tur. 30 eldiń údesine kóterilýdi maq­sat etken Qazaqstan úshin qazir naǵyz syn ýaqyty. Alǵa qaraı jyljýymyzǵa be­sin­shi shaqyrylǵan Par­la­ment Májilisi zor úles qosqanyn eshkim joq­qa shyǵara almaıdy. Degenmen, ómir or­nynda turmaıdy. Ýaqyt talaby basqa. Jar­qyn bolashaq jolyn­da tynymsyz izdenis­terdiń, tyń kúsh­terdiń, qarymdy qadamdardyń qajet ekenin eskersek, kezek­ten tys saılaý ótkizýden utary­myz kóp. Onyń ústine, úndeý­de aıtylǵandaı, Má­jilis pen máslı­hattar saılaýyn bir mezgilde ótker­sek, qar­jylyq jáne uıymdas­ty­rýshylyq ju­mys­tary jaǵynan da kóptegen jeńil­dikter týar edi. Sondyqtan biz XXI ǵasyrdyń jańa syn-qaterlerine jaýap berý úshin qoǵam bolyp toptasyp, jańa memleket qurý jolynda jumys isteýimiz qajet. Dál osyndaı jaýap­ty sátte daǵdarysqa qarsy is-qı­myldardy tıimdi júzege asyrý úshin keń aýqymdy qoǵamdyq birigý – kezek kúttirmeıtin is. Tııa­­naqty sheshimder men tyndyrym­dy tirlikter jáne, eń basty­sy, bere­keli el birligi ǵana túrli ekono­mıkalyq soqqylarǵa qas­qaıyp qarsy turýǵa múmkindik beredi. Jahandyq daǵdarystyń jańa tolqynyn eńserýge jáne Memleket bas­shysynyń memleketimizdi jań­ǵyrtýǵa serpin beretin Ult Jos­paryn oryndaýǵa jańadan saılanatyn Parlament súbeli úles qosady dep oılaımyn. Baýyrjan IMANǴALIEV, fılologııa ǵylymdarynyń kandıdaty, Qazaqstan Jýrnalıster odaǵynyń múshesi.     ASTANA.

Halyq durys qabyldady

Elbasy el kútkendegideı salıqaly sózin aıtyp, zańnama talabyna sáıkes tıisti tulǵalarmen keńese otyryp, tómengi palatany taratý týraly Jarlyqqa qol qoıdy. Bul qadamdy halyq túsinistikpen durys qabyldady. Shyny kerek, Elbasy Jarlyǵyn zııaly qaýym ǵana emes, qarapaıym jumysshylar da elegizı tosqany jasyryn emes. Sol eldiń ishki oıyn aıtqyzbaı-aq túsingendikten ortalaryna barysymen osynaý qýanyshty habardy jetkizgen edim. Sondyqtan bul qadamdy elimizdegi saıası turaqtylyqtyń bir jemisi dep baǵalaımyn. Endigi maqsat – ekonomıkalyq daǵdarystan aman ótý. Álemdegi saıası ahýaldy aıtpaǵanda ekonomıkalyq daǵdarystyń ózi kúnnen-kúnge qıyndap barady. Munaıdyń barreli 28 AQSh dollaryna deıin tómendeýi kóp jaıdy ańǵartady. Amal neshik. Biraq qol qýsyryp qarap otyrýdy ýaqyt kótermeıdi. Qolda bar múmkindiktiń biri – bizdiń aýdanymyzdyń aýmaǵynan ashylǵan Qurǵaq portty tıimdi paıdalaný kerek. Bul rette elimizde memlekettik baǵdarlamalarǵa sáıkes bastalǵan jumysty jalǵaýdyń mańyzy zor. О́z tájirıbeme súıene otyryp oıymdy sabaqtasam, órkenıetti damyǵan elderdegideı san-sala boıynsha ınvestısııa tartý arqyly daǵdarystan da óte shyǵatynymyz anyq. Zerdelesek, bul qadamnyń da joly ashylǵan. Tek aqylmen, aptyqpaı áreket ete bilý kerek. Búginde jazıraly Jarkent jerinde de memlekettik saıasatqa saı Ult Josparyn júzege asyrý jumysy júıeli túrde bastalyp, ekpin alyp keledi. Shaǵyn ujymymyzda qalyptasqan eńbek yrǵaǵy jalǵasyn taýyp, aldaǵy kóktemde bastalatyn úlken jumysymyzǵa daıyndyq júrýde. Naqtylaı tússem, Qurǵaq porttyń ashylýyna oraı salynatyn óndiris oryndarynyń birine ınvestısııa tartýdyń alǵashqy qadamyn jasap, óz usynysymyzdy tıisti oryndarǵa jibergenbiz. Ýaqyty kelgende sol usynys qaralyp, oń sheshim qabyldanyp jatsa, bizdiń de eńbegimiz janyp qalar. Olaı deıtinim, ınvestısııa tartýmen shektelmeı memlekettik saıasatqa saı óndiris ornyn ashyp, oǵan jergilikti halyqty tartýdy basty maqsat etip otyrmyz. Nátıjesin ýaqyt atty tóreshi kórsetedi.  Tasqyn JAPARQUL, «Ernar» sharýa qojalyǵynyń tóraǵasy.  Almaty oblysy, Panfılov aýdany.

Keler kúnge úmit mol

Parlament Májilisiniń saılaýdy kezekten tys ótkizý týraly úndeýi óziniń der kezinde kóterilgendigimen kópshiliktiń kóńilinen shyqqan bolatyn. Elbasymyz N.Nazarbaev májilismenderdiń usynysyn qoldap, Qazaqstan Respýblıkasy Parlamenti Májilisi depýtattaryn kezekten tys saılaýǵa kelisimin berip, arnaıy Jarlyqqa qol qoıdy. Bul qazirgi tańdaǵy álem elderin eleńdetip otyrǵan jaǵdaılarǵa qarap, depýtattardyń syndarly sheshim qabyldaýy boldy. Álemniń birqatar elderindegi geosaıası jáne geoekonomıkalyq ózgerister ózderimen ıntegrasııalanǵan elderdiń árqaısysyna irili-usaqty yqpalyn tıgizetin bolady. Bizdiń Prezıdentimiz N.Nazarbaev halyqaralyq jaǵdaılardy eskere otyryp, Qazaqstannyń beriktigi men bolashaǵyna jumys isteıtin Bes ınstıtýttyq reformany iske asyrýdy tapsyrdy. Reformany júzege asyrý úshin arnaıy «Ult Jospary» qabyldandy. Munyń bári Qazaqstannyń qandaı ekonomıkalyq jaǵdaılarǵa da belin bekem býyp, daıyn turýyna jasalǵan qadam. Endi Elbasymyzdyń kezekten tys Májilis saılaýyn ótkizý týraly Jarlyqqa qol qoıýy kóptiń kókeıindegini dál basqan oqıǵa boldy. Endi bizdiń aldymyzda óz bolashaǵymyz úshin, ortaq Otanymyz – táýelsiz Qazaqstannyń birligi, berekesi úshin jalyndy, jigerli azamattardy tańdaý mindeti tur. Májiliske laıyqty depýtattardy saılaý jolynda bir jeńnen qol, bir jaǵadan bas shyǵarýǵa shaqyramyn.  Magomed LORSANOV, «Vaınah» sheshender men ıngýshter etnomádenı birlestiginiń tóraǵasy.  Mańǵystaý oblysy.

Jas parlamentshiler kóbeıse degen tilek bar

Memleket basshysy Nursultan Nazarbaev kezekten tys Parlament Májilisiniń jáne jergilikti máslıhattardyń saılaýyn ótkizý týraly halyqqa joldaǵan úndeýinde elimizdiń bolashaǵy jolyndaǵy tutastyǵymyz ben birligimizdi taǵy da tanytýǵa shaqyrdy. Osy oraıda, shyǵysqazaqstandyq jastardyń Elbasymen árdaıym birge ekenin aıtqym keledi. Kendi Altaı jerinde jastar Prezıdent bastamalarynyń tóńiregine toptasqanyn aıqyn ańǵarýǵa bolady. Aıtalyq, óńirdiń belsendi jas­tary oblys ortalyǵynda Ertis ózeniniń sol jaǵalaýyndaǵy Komsomol aralynda «Bir el – bir taǵdyr!» atty aýqymdy shara ótkizdi. Úsh jarym myńǵa jýyq jastar jınalǵan aksııa aıasynda Táýelsizdiktiń 25 jyldyǵyna arnalǵan is-sharalar uıymdastyryldy. Aksııanyń tusaýkeseri bolǵan horeografııalyq kompozısııalyq qoıylym elimizdiń erteńgi kúnge degen senimi men judyryqtaı jumylǵan birligin pash etse, Táýelsizdik mereıtoıynyń qurmetine stýdent-jastardyń flesh-mob aksııasy men 25 shaqyrymdyq shańǵy jarysy ótti. Bul sharalar A.Pýshkın atyndaǵy oblystyq kitaphanada, oblystyq drama teatrynda jáne óńirimizdiń ózge qalalary men aýdandarynda ótken sharalarmen mazmundy túrde jalǵasyp jatyr. Sondyqtan, shyǵys óńiriniń jastary aldaǵy kezekten tys Parlament Májilisiniń saılaýyna bir kisideı qatysady dep oılaımyn. Bul saılaý 20 naýryzǵa belgilenip otyr. Kún men tún teńeletin ulyq mereke parlamenttik saılaýdyń da merekelik kóńil kúımen ótetinine jeteleıdi degen senimdemin. Sebebi, elimizdiń jas býyny halyqaralyq qoǵamdastyqtaǵy saıası hám ekonomıkalyq daǵdarystardyń jaı-kúıin jaqsy túsinip otyr. Prezıdentimizdiń parasaty men paıymyna arqa súıegen jastarymyz erkin eldiń erteńi jarqyn bolatynyna senedi. «Qazaqstan-2050» Strategııasy men Ult Josparynda belgilengen mindetter men mejelerge jetý jolynda kúsh salýǵa qumbyl. Osy oraıda, jańa parlamentshiler quramynda jastar uıymdarynyń da ókilderine kóptep oryn berilse degen usynysymyz bar.  Araılym ESIMBEKOVA, Shyǵys Qazaqstan oblystyq ishki saıasat basqarmasynyń «Jastar ortalyǵy» KMM dırektory.  О́SKEMEN.

Qoldaý tapqany qýantty

Elbasy Jarlyǵymen tómengi palatanyń quramy taratylyp, jańa Májilis depýtattarynyń saılaýy belgilendi. Bul jolǵy halyqqa arnaǵan úndeýinde ne úshin osy saılaýdyń qajet ekenin de aıtyp berdi. Kezekten tys Májilis saılaýyn ótkizý qoǵam tarapynan da qyzý talqylaýǵa túsip, naqty qoldaýǵa ıe bolǵanyn kórip otyrmyz. Prezıdent depýtattardyń bastamasyn qol­dady. Jańa bastamalar, ıdeıalardyń kelýi saıası ómirdiń de jańaryp, jańǵyrýyna jol ashady. О́ıtkeni, Parlamentti jańartýǵa qoǵam men bıliktiń ózi múddeli. Endi Májilis depýtattarynyń kezekten tys saılaýy jáne óńirlerdegi kezekti máslıhattar saılaýy 20 naýryzda ótetin boldy. Sondyqtan, Elbasy depýtattar­dyń bastamasyn qazaq­standyqtardyń taǵ­dyryna otanshyldyq turǵyda qamqorlyq tanytýdyń kórinisi dep atap ótti. Rasynda da, qazir el jaǵdaıy 1991 jylǵydaı emes, «eńbekke shyńdalyp, tabysty qalyptasyp, álemge syıly memleket qurǵan birtutas halyqqa aınaldyq», degen salıqaly sózder aıtty. Qazir Ult Jospary men 5 ınstıtýttyq reformany júzege asyrý boıynsha praktıkalyq qadamdardy oryndaý jumysy bastaldy. Mysaly, aýda­nymyzdaǵy 557 birlik shaǵyn kásipkerlik nysandarynda 2501 adam eńbek etýde. О́tken jyly aýdanda jańadan 76 shaǵyn kásiporyn ashyldy. Olardyń 3-ýi JShS, 31-i sharýa qojalyqtary, 30 birlik saý­da oryndary jáne basqa da qyzmet kórsetetin 12 nysan bar. Ol qatarǵa kásibin jańadan bastaǵan jas kásipkerler qosyldy. Osy jumystardyń bastaýynda aýdandyq fılıal qyzmetkerleriniń de úlesi bar. Aýyldarǵa jıi shyǵyp, ká­sipkerlikpen aınalysýdyń qyr-syryn úıretip, olardy qoldap otyrǵan jańa baǵdarlamalar, qujattar resimdeý jáne taǵy basqa jaılar týraly kezdesýler, semınar-trenıngter ótkizip otyrady. Jańadan kásip ashý – halyq turmysyn jaqsartý úshin qajet. Kásipkerlikti qoldaý men damytý bar. Kásipkerlerge aýdandyq fılıal qyzmetkerleri kómektiń barlyq túrin usynýǵa ázir. Elimizde sha­ǵyn jáne orta bıznesti qoldaý úshin kóptegen baǵdarlamalar daıyndalady, ártúrli jeńildikter qarastyryldy jáne otandyq kásipkerlerge kóp úmit artyldy. Bıyl jergilikti kásipkerler úshin jańa múmkindikter ashyldy, ol – elimizdiń DSU-ǵa tolyq quqyly múshe bolyp enýi. Bul el damýynyń negizi bolyp otyrǵan shaǵyn jáne orta kásipkerliktiń ekonomıkalyq jáne áleýmettik rólin jetildire túsýde úlken úmit, zor senim týǵyzady. О́ıtkeni, bıznes halyqtyń ál-aýqatyn jaqsartyp, olar úshin eń birinshi qajettilik – eńbekpen aınalysýǵa múm­kindik beredi, jumyspen qamtamasyz etedi. Al, osyndaı kezde elimizge kásibı, biliktiligi joǵary Parlament kerek degen pikirler durys kóterildi. Endi jańa­dan saılanatyn Májilis quramyna úlken senim júkteletini sózsiz. Jańasha oılaıtyn depýtattardyń qoldarynan is kelýinen el de úmitti. Jýyrda ǵana «Egemende» jarııalanǵan «Ult Jospary – qazaqstandyq armanǵa bastaıtyn jol» atty jobasynda ekonomıkanyń, saıasattyń jáne áleýmettik salalardyń barlyq ba­ǵyt­taryna qazirgi kezeńge saı anyq jáne dáleldengen baǵdar berildi. Narıman RAHYMJANOV, oblystyq kásipkerler palatasy aýdandyq bóliminiń basshysy. Aqtoǵaı aýdany, Pavlodar oblysy.

«Máńgilik El» murattaryna adaldyq

2016 jylǵy 20 qań­tar Elbasy Qazaqstan Respýblıkasynyń Prezıdenti Nursultan Nazarbaev Parlament Májilisiniń V shaqyrylymynyń depý­tattarynyń óki­lettiligin merziminen buryn toqtatý jónindegi Jarlyqqa qol qoıǵan jáne kezekten tys saılaý ótkizý belgilengen tarıhı kún. Memleket basshysy osyǵan qatysty úndeýinde Májilistiń ózin-ózi taratý jóninde bastama kóterýi depýtattardyń el taǵdyryn oılap, edáýir belsendi jańa halyq qalaýlylaryn tańdaýǵa múmkindik beretinin jáne elimizdegi saıası plıýralızmniń odan saıyn damýyna jaǵdaı jasaıtynyn atap kórsetti. Parlament Májilisi depýtattarynyń kezekten tys saılaýy elimizdiń demokratııalyq damýyn aıqyndap, jarqyn bolashaqqa bastar utymdy qadam bolyp tabylady. Kezekten tys saılaý elimizdiń barlyq saıası partııalaryna Parlamentte ókildik etýge teń múmkindik berip, zamanǵa saı beıimdelgen, búgingi kúnniń ótkir máselelerin sheshýge ıkemdelgen is­ker adamdarǵa jol ashady. Munymen qosa, Qazaq­standaı óreli úlgisi, berik maqsaty bar beren memlekettiń tarıhy da baıan­dy bolýy kerek. Sondyqtan, ulaǵat-ónegesi sheteldikter tarapynan «Qazaqstandyq jol» dep atalǵan elimizge osyndaı kúrdeli de batyl sheshimder qabyldaý zaman talabynan týyn­daǵan qajettilik dep bilemin. Aldaǵy saılaýǵa otandastarymyz jappaı qatysatynyna kámil senemin. Osy oraıda, álemdik daǵdarys saldarynan týyndaǵan ekonomıkalyq jaǵdaıǵa baılanysty, Májilis depýtattarynyń saılaýymen birge jergilikti máslıhattar depýtattarynyń saılaýyn qatar ótkizý qarjylyq jaǵynan el bıýdjetine tıimdi bolatyny anyq.  Marat О́TEGENOV, Sh.Ýálıhanov atyndaǵy Kókshetaý memlekettik ýnıversıtetiniń dosenti, tarıh ǵylymdarynyń kandıdaty. Aqmola oblysy.

Birliktiń berik baılamy

Ýaqyt talabymen alǵa tartylǵan bastamanyń Prezıdentten de, qalyń jurtshylyqtan da qoldaý tabatynyna ımandaı sengenmin. Sebebi, bul qoǵamdyq ómirimizdiń búgingi aqıqat bıiginen qaraǵanda utymdy usynys, ulaǵatty ustanym bolatyn. Sońǵy sózdi Elbasy aıtatynyn eskerip, elimizdegi jańa­lyqtarǵa eleńdep júrgenimiz de shyndyq. Prezıdenttiń Parlament Májilisiniń ózin ózi taratý jáne Májilis pen barlyq deńgeıdegi máslıhattar saılaýlaryn kezekten tys ótkizý jónindegi úndeýin qoldaǵanyn, Májilistiń kezekten tys jáne máslıhattardyń kezekti saılaýyn ótkizý týraly arnaıy Jarlyqqa qol qoıǵanyn teledıdardan kórip tyńdadym. Memleket bas­shysy álemdegi geo­saıası jáne eko­nomıkalyq jaǵdaı­dyń kúrdeli ekenin aıta kelip, osyndaı kezde ilkimdi is-qımyl qajettigine basa nazar aýdardy. О́ziniń Májilis de­pýtattarynyń úndeý­in qoldap, sheshim alǵanyn, bul bastamanyń otan­shyl­dyqtan týyn­da­ǵanyn atap ótti. Sonymen, Májilis pen óńirlerdegi máslı­hattardyń saı­laýy bıylǵy jylǵy 20 naýryzda ótetin boldy. Qazir yrǵalyp-jyrǵalatyn ýaqyt emes. Álemdi alqymynan alyp turǵan qarjy daǵdarysy ilkimdi is-qımyl jasaýdy alǵa tartýda. Qoǵamdyq damýdyń ek­pinine ilesip emes, onyń aldyn alýdyń qaıtarymdy qadamdaryn jasaý ǵana utymdy bolatynyn kórip otyrmyz. Qazaqstanda «100 naqty qadam» Ult Josparynda 5 ınstıtýttyq reformany júzege asyrýdyń basym baǵytary aıqyndalyp, Elbasy N.Nazarbaevtyń «Qazaqstan jańa jahan­dyq ahýalda: ósim, reformalar, damý» atty Joldaýynda olardy júzege asyrý joldary júıelene tústi. «Ult Jospary – qazaqstandyq armanǵa bastaıtyn jol» atty maqalasynda Ult Josparyn júzege asyrýdyń tájirıbelik tetikterin naqtylap berdi. Bir sózben aıtqanda, álemdik daǵdarystyń saldarlaryn anaǵulym jeńildetýdiń barlyq tetikteri iske qosylýda. Men Par­lament Má­jilisiniń úndeýine qulaq asyp, Májilis pen máslıhattar saı­laýlaryn birge ótkizýdi osyndaı ońtaıly sheshim retinde baǵalaımyn. Qazirgideı kúrdeli kezeńde eldiktiń múddesi turǵysynan qadam basý osylaı bolsa kerek-ti. Shúkir, bul baǵytta elimizdegi yntymaq pen tutastyqtyń tuǵyrlylyǵy kózdegen maqsatymyzǵa jetýge múmkindik beredi dep oılaımyn. Prezıdenttiń Májilisti taratý jáne kezekten tys saılaý ótkizý týraly sheshimin elimizdiń eseıgendiginiń jáne memlektetimizdiń tutastyǵynyń naqty kórinisi deýge bolady. Qaı iste de osylaı «Bir jaǵadan – bas, bir jeńnen qol shyǵaratyn» qal­pymyzdan aınymalyq, dáıim. Halqymyzdyń uıymshyldyǵy men biraýyzdylyǵynyń arqasynda ǵana syn-qaterlerge qarsy tura alamyz. Al Májilis pen máslıhattarǵa jańadan saılanatyn azamattar tyń oılarymen, ilkimdi isterimen daǵdarysty eńserýge jáne damýǵa serpin beredi dep kútemiz. Aldaǵy saılaýda eldiń qamyn oılaıtyn, saıasattyń qyr-syryna qanyq, bilimdi de bilikti azamattar saılanýyna halyqtyń belsene qatysatynyna senim mol. Ony Májilistiń úndeýin qoldaýdaǵy halyqtyń belsendiliginen de ańǵarýǵa bolady. Temirhan BEKTAÝBAEV, «Respýblıkalyq epızootııaǵa qarsy otrıad» memlekettik mekemesi Aqtóbe fılıalynyń basshysy.  Aqtóbe oblysy.

El senimin er aqtasyn

Memleket basshysy Nursultan Nazarbaev 5-shi shaqyrylymdaǵy Par­lament Májilisin taratý týraly Jarlyqqa qol qoıyp, sondaı-aq, Qazaqstan Respýblıkasy Parlamenti Májilisi de­pýtattarynyń kezekten tys saılaýyn taǵaıyndaýǵa baılanysty halyqqa úndeý jarııalady. Bul, shyn mánisinde syndarly shaqtyń tegeýrinine tótep bere alǵan, qoǵamǵa qozǵaý salǵan sheshim boldy. Eger de yrǵalyp-jyrǵalyp júrip alǵan bolsaq, mundaı jaıbasarlyǵymyzdy qatal da júırik ýaqyt keshirmes edi. Elbasy Jarlyqqa qol qoıdy – endigi kezek halyqtyń tańdaýyna keldi. Osyndaıda el senim artqan erlerimiz qıynnyń qııasyna qınalmaı shyǵyp, halqyna abyroımen qyzmet etse eken dep tileısiń. Májiliste, jergi­likti más­lıhat­tar­da búgingi zaman menedjmentin myqty meńgergen, jańa mazmundaǵy oılaý júıesine júgingen, naǵyz memleketshil, salamatty ómir saltyn ustanatyn depýtattar otyrýy kerek dep sanaımyn. Jáne de jyly oryn, jumsaq kreslo izdegender bul jerge jolamaýy tıis. Sportshy qaýymy úshin bıylǵy jyl jaýapkershilikke toly jyl. Aldymyzda Rıo-2016 Jazǵy Olım­pııa oıyndary tur. Bizdiń elimiz ekonomıkalyq qıynshylyqtarǵa qara­mastan, sportshylarymyzdyń osy jaýapty synǵa alańsyz daıyndalýyna barlyq jaǵdaıdy jasaıdy dep senemin. Al óz kezeginde Olımpıada dodasyna qa­tysatyn sańlaqtarymyz el namysyn qoldan bermeı, tabysty óner kór­setýleri kerek. Munyń ózi qıynshylyq tıtyǵyn al­ǵan eldiń rýhyn kóterer uly kúsh! «Barshamyzdyń bir ǵana maq­satymyz bar, ol maqsat – halyq pen eldiń ıgiligi! Bárimiz Qazaqstannyń ósip-órkendeýi jolynda eńbek etip, bar kúsh-jigerimizdi jumsaımyz. Biz birlese otyryp, búgingi zaman aldymyzǵa tosyp otyr­ǵan barsha qıyndyqtar men syn-qater­lerdi mindetti túrde eńseretin bolamyz. Men barsha qazaqstandyqtardy, barlyq saıası partııalardy biz­diń ortaq shańyraǵymyzdyń taǵdyryna jaýapty qaraýǵa jáne Otanshyldyǵymyzdy nyǵaıta túsýge shaqyramyn», dedi Elbasy óziniń úndeýinde. Elbasynyń jiger bergen úndeýi, jańa saılaý, halyqtyń erikti túrde jasaǵan durys tańdaýy qıyn­shylyqtyń qabyrǵasyn sógip, Uly murattarǵa bastaǵan nurly joldy sáýlelendire túsedi degenge kúmánsiz senemin. Al senimsiz adam ómirde de, sportta da jeńisterge jete almaıdy.  Janat BAIShOLAQOV, Olımpıadalyq rezervterdi daıarlaý ortalyǵynyń dırektory, Qazaqstannyń eńbek sińirgen jattyqtyrýshysy, pedagogıka ǵylymdarynyń kandıdaty. QARAǴANDY.