«Nur Otan» saıası partııasynyń Qazaqstan Respýblıkasy Prezıdentiniń «Besinshi shaqyrylǵan Qazaqstan Respýblıkasy Parlamentiniń Májilisin taratý jáne Qazaqstan Respýblıkasy Parlamenti Májilisi depýtattarynyń kezekten tys saılaýyn taǵaıyndaý týraly» Jarlyǵyna qatysty
MÁLIMDEMESI
«Nur Otan» partııasy Memleket basshysyna depýtattardyń bastamasyna qoldaý kórsetkeni jáne «Besinshi shaqyrylǵan Qazaqstan Respýblıkasy Parlamentiniń Májilisin taratý jáne Qazaqstan Respýblıkasy Parlamenti Májilisi depýtattarynyń kezekten tys saılaýyn taǵaıyndaý týraly» Jarlyqqa qol qoıǵany úshin rızashylyǵyn bildiredi. Biz jahandyq ekonomıkalyq daǵdarys jaǵdaıynda bizge bıliktiń zań shyǵarý organynyń quramyn sapalyq jaǵynan nyǵaıtý jáne jańartý qajet dep sanaımyz. Barlyq saıası partııalar úshin bul – halyqqa kóptegen kókeıkesti máselelerdi sheshýdiń joldaryn kórsetýdiń, halyq seniminiń synaǵynan ótip, memlekettik qurylystyń jańa kezeńinde Májilistiń jańarǵan quramynda ózin tıimdi dáleldeýdiń jańa múmkindigi. Táýelsiz Qazaqstan óziniń yrǵaqty damýynyń shırek ǵasyrynda qýatty, negizgi qundylyqtary turaqtylyq, birlik jáne halyqtyń kelisimi bolyp tabylatyn búkil álemdik qoǵamdastyq tarapynan tanylǵan memleket qurýda úlken joldan ótti. Búginde elimiz ınstıtýttyq reformalardyń «100 naqty qadam» Ult Josparyn praktıkalyq júzege asyrýmen baılanysty damýdyń jańa kezeńine aıaq basty. Jáne osyndaı jaǵdaıda qoǵamdyq-saıası dıskýrstyń basty alańdarynyń biri retinde Parlamenttiń róli aıtarlyqtaı joǵarylaıdy. Parlament Májilisiniń kezekten tys saılaýyn ótkizý týraly sheshim árbir qazaqstandyqqa óziniń patrıotızmin is júzinde kórsetip, el úshin osy mańyzdy kezeńde reformalar baǵytyn ilgeriletýge tikeleı qatysýǵa múmkindik beredi. Biz 940 myń partııalastarymyzdyń atynan elimizdiń barlyq azamattaryn memlekettik qurylystyń jańa kezeńinde toptasý men birlikke shaqyramyz.