Qazaqstan Respýblıkasynyń Syrtqy ister mınıstrliginde Qazaqstan Respýblıkasynyń Úkimeti men Slovak Respýblıkasynyń Úkimeti arasyndaǵy qupııa aqparatty ózara qorǵaý týraly kelisimge qol qoıý rásimi ótti.
Qujatqa qol qoıý eki el arasyndaǵy sharttyq-quqyqtyq bazany keńeıtip, memleketterdiń ulttyq qaýipsizdigi múddesindegi aqparat almasýdy jandandyrýǵa múmkindik beredi.
Qol qoıý rásiminen keıingi kezdesý barysynda elimizdiń Syrtqy ister mınıstri Erlan Ydyrysov pen Slovak Respýblıkasynyń Qazaqstandaǵy Tótenshe jáne ókiletti elshisi Peter Iýza Qazaqstan-Slovakııa yntymaqtastyǵynyń jaǵdaıy men onyń damýynyń ózekti máselelerin talqylady.
Taraptar arada qalyptasqan dostyq baılanystardy odan ári nyǵaıta túsýge ózara qyzyǵýshylyqtaryn taǵy da qýattady.
Qazaqstan Slovakııany Ortalyq-Shyǵys Eýropa aımaǵynda jáne jalpy Eýropalyq odaqta óziniń senimdi saıası jáne ekonomıkalyq turaqty áriptesi, sondaı-aq, dostas memleket retinde tanıdy.
«Egemen-aqparat».