Múgedekter máselesi kóterilgen máslıhat

Almatyda «Múgedekterdi Má­ji­liske jáne máslıhattarǵa saılaý» taqyrybynda baspasóz máslıhaty ótti. Qazaqstan baspasóz klýby uıym­­dastyrǵan jıynǵa Qazaqstan Múge­dekter odaǵynyń tóraǵasy, Densaý­lyq saqtaý jáne áleýmettik damý mı­nıstriniń keńesshisi Álı Amanbaev, «Shy­raq» múgedektigi bar áıelder qaýymdastyǵynyń tóraıymy, Densaý­lyq saqtaý jáne áleýmettik damý mı­nıstriniń keńesshisi Lázzat Kaltaeva, «Namys» joǵary bilimi bar múgedekter qo­ǵamdyq birlestiginiń tóraǵasy, Densaýlyq saqtaý jáne áleýmettik damý mınıstriniń keńesshisi Qaırat Imanalıev qatysyp, kóterilgen máselelerge qatysty ustanymdary men usynystaryn bildirdi. «Búgingi tańda Múgedekterdiń qu­qyqtary týraly konvensııa bekitilgen. Osy konvensııaǵa sáıkes múgedekter mú­gedektigi bar adamdarǵa baılanys­ty túrli strategııalardy, saıasatty já­ne baǵdarlamalardy ázirleýge qaty­sýy tıis. Sonymen qatar, bul konvensııa múgedekterdi úkimettiń atqarýshy jáne zań shyǵarýshy organdarynyń ju­my­syna belsendi qatysýǵa shaqyrady. Osy­ǵan oraı, Májilistiń taraýy týraly jáne Májilis pen más­lıhattarǵa qos saılaýdy qatar ótkizý jaıly sheshimdi qoldaımyz. Ulttyq deńgeıde Májiliske jáne aımaqtyq deń­geıde máslıhattarǵa múgedektigi bar adam­dar arasynan depýtat saılaıtyn ýaqyt keldi. Múgedekter arasynda zań ak­tilerin ázirleýge, túrli zertteýler júr­gizýge, arnaıy áleýmettik qyzmet usy­ný baǵdarlamalaryn jasaýǵa bel­sene qatysqan joǵary bilimdi jan­dar bar. Sondyqtan, ondaı adam­dardyń Parlament jáne máslıhattar jumystaryna qatysýy qajet dep oılaımyz. Olardyń bilek túrip, ult­tyq jáne aımaqtyq deńgeıde zań shyǵarý qyzmetine belsene aralasýy mú­gedekterdiń turmys sapasyn joǵa­rylatý úshin laıyqty jaǵdaı jasaýǵa múmkindik beredi. Barlyq partııalardy Májiliske jáne máslıhattarǵa ózde­riniń saılaý tizimderine múgedek­ter uıymdarynyń ókilderin engizýge shaqy­ramyz», – dedi baspasóz máslıhatynda sóz alǵandar. Aınash ESALI, «Egemen Qazaqstan». ALMATY.