jolserik retinde Arqalyqqa attandy
Kúni keshe «Jolaýshylar tasymaly» AQ-tyń top-menedjerleri tuńǵysh ret «Astana – Arqalyq» jolaýshylar poıyzynyń jolserikteri retinde saparǵa attandy, dep habarlady «Jolaýshylar tasymaly» AQ-tyń baspasóz qyzmeti.
Olardyń qatarynda kompanııanyń satylym jónindegi atqarýshy dırektory Aıgúl Ábýtálipova, servıs jónindegi atqarýshy dırektor Nurlan Isabaev, kadr bóliminiń bastyǵy Aıgúl Nuralına, jabdyqtaý qyzmetiniń bastyǵy Sapar Baımaǵambetov bar.
Menedjerler sapar barysynda jergilikti jaǵdaımen jete tanysyp, poıyzdardaǵy qyzmetter men servıstiń sapasyn arttyrýǵa naqty qolǵabys jasaıtyn bolady.
Osy jyldyń 20 qańtary men 30 naýryzy aralyǵynda kompanııanyń 30-dan astam basshy quramynyń qyzmetkerleri 18 baǵyt boıynsha jolaýshylar poıyzdarynda jolserikterdiń mindetterin atqarmaq.
Bul bastama jolaýshylar poıyzdaryndaǵy servıs sapasyn arttyrýǵa baǵyttalǵan keshendi jospardyń aıasynda júzege asyrylyp otyr.