«Almatynyń 1000 jyldyǵy – 1000 qaıyrymdy is» jospary aıasynda megapolıstegi G38 jastar uıymy bıznes-qaýymdastyqpen, úkimettik emes uıymdarmen jáne jáı ǵana almatylyqtarmen udaıy qarym-qatynasta bolyp, kómekke muqtaj jandarǵa myń túrli qaıyrymdylyq kórsetpek.
Osynaý aksııa UOS ardagerlerin, qarttardy, turmysy nashar otbasylar men kópbalaly úılerdi qamtıdy dep kútilýde. Qaıyrymdy jastar balalar úılerine de baryp, múmkindigi shekteýli jandarǵa qaraılasatyn bolady.
Myń meıirimge toly tirliktiń ishine úı jınap berý, qolǵabys etý, azyq-túlik satyp áperý, shıpajaılarǵa joldama uıymdastyrý, dári-dármekpen qamtamasyz etý, densaýlyq saqtaý mekemelerinde emdelýge septesýden bastap, bári-bári kiredi.
Aksııany uıymdastyrýshylar osynaý saýapty iske qaladaǵy joo-lardyń stýdentterin de tartyp, olardy jumyspen qamtamasyz etýdi kózdep otyr.
Atalmysh aksııa 20 qańtarda Almatydaǵy Oqýshylar saraıynan bastaý alyp, endi jyl aıaǵyna deıin jalǵasady.
Aınash ESALI,
«Egemen Qazaqstan».
Almaty.