Alaıaqtyń da alaıaǵy bolady

Ońtústikte jumysqa turý ońaı sharýa emes. Adam kóp, qyzmet az. Son­dyqtan, kópshilik para bersem ju­­mysqa ornalasamyn dep oılaıdy. S. degen azamat osyny óz maq­­­satyna paıdalanýdyń ózi­ne tıimdi jolyn tapqan. Sy­­qıyp kıinip alady. Túri ur­tyna maı jaqqandaı jyltyrap tur. Oblystaǵy úlken qyz­met ornyndaǵy iri mansap ıesi. Eń bas­tysy, ol kimdi bolsa da ju­mysqa turǵyza alady. Osyn­daı dep sybys jiberedi. Mundaıda kim aıanyp qalsyn. Sońynan qulaı júgiredi. S. bir jigitti Sozaqtaǵy iri kásip­oryn­­dardyń birine orna­las­tyrmaq bolyp 40 myń teńgesin alǵan. Durysy, ana azamattyń ózi ákep bergen. Apta ótedi, aı ótedi, ju­mys joq. Jyl ótedi, ju­mys joq. S. syrǵaqsı bergen soń ál­gi ashynǵan azamat Shym­kent QIIB Abaı aýdandyq IIB-nyń kezekshi bólimine habarlasady. Polısııa qyzmetkerleri dereý izdestirý sharalaryn júr­gizip, 1969 jyly týǵan kú­dikti azamatty qolǵa túsiredi. Sóıt­se, eldi jumyspen jaryl­qaı­myn dep júrgen S.-nyń ózi ju­mys­syz eken. Tekserý barysynda onyń alaıaqtyq boıynsha 30 derekke qatysty bol­ǵandyǵy anyq­taldy. Bul endi anyqtalǵany ǵana. Jábirlenýshilerge keltirgen shy­ǵyn 2 mln. teńgeden asyp otyr. Baıaǵyda eldi aldap bas paı­dasyn kózdeıtin bireý «bir sekirdim – qutyldym, eki se­kir­dim – qutyldym, úshinshide tu­tyldym» depti. S. eki-úsheý­di qanaǵat qylmaı, 30 ret se­­kirip aman qalyp, óziniń py­­­syq­tyǵyna ábden sengen sy­­ńaıly. Endi onyń ústinen QK-niń 190-baby boıynsha qyl­­mystyq is qozǵaldy. Ol qa­maýǵa alyndy. Baqtııar TAIJAN, «Egemen Qazaqstan». Ońtústik Qazaqstan oblysy.