Memleketimizdiń shekara mańynda zańsyz jumys istep júrgen úsh О́zbekstan azamaty ustaldy. Soltústiktiń qaqaǵan aıazyna da tóselip alyp, nápaqa taýyp júrgen ala shapandy aǵaıyndar Pavlodar shekara otrıadynyń «Jelezınka» shekara komendatýrasynan jasaqtalǵan narıadtyń «Lvovka» jáne «Qashyr» degen aýyldarǵa jasaǵan reıdteriniń barysynda qolǵa tústi. Ustalǵandar Qashyr aýdandyq ishki ister bólimine tapsyryldy, dep habarlady QR UQK ShQ-nyń baspasóz qyzmeti.