AQTО́BE. 21 qańtar. Aqtóbe qalalyq ardagerler uıymynyń tóraǵasy qaıta saılandy. Bul týraly egemen.kz tilshisi habarlady.
Uıymnyń HI esep berý-saılaý konferensııasynda qala ákimi Bekbol Saǵyn jergilikti atqarýshy organdardyń shahardyń áleýmettik-ekonomıkalyq damýy jolyndaǵy jáne Elbasynyń Qazaqstan halqyna arnalǵan «Qazaqstan jańa jahandyq naqty ahýalda: ósý, reformalar, damý» atty Joldaýynda qoıylǵan tapsyrmalardy júzege asyrý barysyndaǵy jumystaryna toqtaldy. Sonymen qatar, qala basshysy Aqtóbe qalasynda turatyn egde jastaǵy azamattardyń qalanyń qoǵamdyq ómirine belsendi atsalysatyndyqtaryn atap ótti jáne ardagerlerge Qazaqstan Respýblıkasy Táýelsizdiginiń 25 jyldyǵy aıasynda birlesip, tabysty jumystar atqarý týraly tilegin jetkizdi.
Qalalyq ardagerler keńesiniń tóraǵasy, Aqtóbe qalasynyń qurmetti azamaty Aleksandr Prıhno qalalyq ardagerler keńesiniń 2010-2015 jyldar aralyǵynda atqarǵan jumystary týraly baıandady. Búginde Aqtóbede 20 myńnan astam ardagerler men zeınetkerlerden turatyn 86 bastaýysh ardagerler uıymy bar. Qalada jáne oǵan qarasty aýyldyq okrýgterde 112 Uly Otan soǵysynyń ardageri, 4173 tyl ardagerleri turady. Qalalyq ardagerler uıymy qyzmetiniń basty baǵyttarynyń biri – qalanyń qoǵamdyq-saıası ómirine belsendi aralasý, ardagerler men zeınetkerlerdiń áleýmettik máselelerin sheshý, mektepterde, mýzeılerde jastardy patrıottyqqa tárbıeleý.
Qalalyq ardagerler keńesiniń tóraǵasy bolyp Aleksandr Prıhno (sýrette) qaıta saılandy.
Satybaldy Sáýirbaı.
Derek: egemen.kz.
Sýret: aktobetimes.kz.