ALMATY. 22 qańtar. Osy aptada Almatyda otandyq ıllıýzııa óneriniń ókilderi bas qosty. Bul týraly egemen.kz tilshisi habarlady.
Qazaqstan fokýsshylary úıirmesi uıymdastyrǵan bas qosýǵa ıllıýzııa ónerinde 53 jyldan beri júrgen amerıkalyq Djımm Braýn keldi. Almatyda osyndaı jıyn ótetinin bile salyp, О́zbekstannyń úzdik sıqyrshylarynyń biri Dmıtrıı Poıakov ta ushyp kelgen.
Qaladaǵy «Sozvezdıe» trenıng ortalyǵynda ótken kezdesý birjaǵynan qazaqstandyq ıllıýzıonısterdiń ekinshi sezi deýge de bolady. О́ıtkeni bul jıynǵa elimizdiń ár túkpirinen – Astana, Almaty, Taldyqorǵan, О́skemen, Qyzylorda, Qostanaı qalalarynan 15 ıllıýzıonıst kelgen.
«Bizdiń Qazaqstan fokýsshylary úıirmesi 2012 jyly qurylǵan. Uıymnyń 30 múshesi bolsa, bútkil elimizde bul ónermen 50-ge tarta adam aınalysady. Olardyń keıbireýi fokýs kórsetýdi hobbı dep bilse, kópshiligi ıllıýzııa janrynan nanyn taýyp jep júr. Al ıllıýzııanyń atasy dep esepteletin Djımm Braýn meniń de ustazym», – deıdi ónerpaz Jeńis Aıtjanov.
Sonymen kezdesýge kelgender arasynda sırktiń osynaý erekshe janrymen jańadan aınalysyp júrgender de, Kárim Mutyrǵanov, Kamal Qońqaraev, Altynaı Baıtoqanovanyń shákirti Lázzat Baıtoqanova sııaqty tanymal ıllıýzıonıster de boldy.
Illıýzıonısterdiń beıresmı sezi kezinde Djımm Braýn óz tájirbesimen bólisip, jas fokýsshylardyń mashyǵyn jetildirip, jastardyń ónerin damytýǵa aıtarlyqtaı úles qosty, dep esepteıdi bizdiń jerlester.
Aınash Esalı.
Derek, sýret: egemen.kz.