ORAL. 22 qańtar. Jergilikti sybaılas jemqorlyqqa qarsy is-qımyl departamentiniń qyzmetkerleri tabıǵı monopolııalardy baqylaý jáne básekelestikti qorǵaý komıteti Batys Qazaqstan oblystyq departamentiniń basshysy Ýálıhan Razov jemqorlyqqa qatysy bar kúdikpen qamaýǵa alyndy. Bul týraly egemen.kz tilshisi habarlady.
Ulttyq bıýronyń habarlaýynsha, «AqsaıGazPromEnergo» AQ bas dırektory Alhat Ábzálilov óziniń kásipkerlik qyzmetine kirispeýshilik maqsatynda Ýálıhan Razovqa 250 myń teńge múliktik qundylyǵy bar para berý faktisi boıynsha ashyq túrde tergeý isi bastalǵanyn rastap otyr.
Soǵan baılanysty Ýálıhan Razov Qylmystyq is júrgizý kodeksiniń 128-baby boıynsha Oral qalalyq ishki ister bóliminiń ýaqytsha qamaý ızolıatoryna qamaldy. Atalǵan departamentke Ýálıhan Razov 2014 jyldyń jeltoqsan aıynda basshy retinde taǵaıyndalǵan bolatyn.
Alǵash eńbek jolyn birqatar kásiptik mekemelerde menedjer, keıin kásiptik dırektor laýazymdaryn atqarǵan. 1998-2000 jyldar aralyǵynda oblystyq salyq basqarmasynda, 2005-2010 jyldary jáne 2012-2013 jyldar aralyqtarynda bólim basshysy, oblystyq kásipkerlik pen ónerkásip basqarmasy basshysynyń orynbasary bolyp istegen.
2010-2011 jyldary «Tehnopark «Algorıtm» JShS basqarǵan. 2012 jyldary oblys ákimi apparatynda ekonomıka jáne bıýdjettik josparlaý jóninde bas ınspektor, keıin ekonomıkalyq analız bóliminiń meńgerýshisi qyzmetterin atqarǵan.
2012 jyldyń maýsym aıynan bastap Ýálıhan Razov oblystyq monopolııaǵa qarsy ınspeksııasynyń basshysy qyzmetine kirisken.
Temir Qusaıyn.
Derek, sýret: egemen.kz.