ALMATY. 22 qańtar. Megapolıstiń 1000 jyldyq mereı toıyna oraı Almatyda ańyz bolǵan «alma qalasy» ataǵyn qaıtaryp alý úshin úlken jumystar júrgizilmek. Qazirgi kúnderi alma baqtarynyń naqty orny anyqtalǵan. Bul týraly egemen.kz tilshisi habarlady.
2016 jyldyń sáýirinen bastap áleýeti myqty ınvestor «Apple world» JShS maqsatty jumystardy iske asyrýdy bastaıdy. Sondaı-aq 3 profıldi agrarlyq kompanııa alma baqtaryn órkendetýge nıet bildirip otyr jáne bularǵa qajetti jer telimderi qarastyrylýda.
Tolaıym alǵanda Almaty qalasynyń turǵyndary jylyna 17 myń tonna almany qajet etedi. Qala ákiminiń josparlaýynsha, 2020 jylǵa deıin Almaty oblysynyń aýmaǵyndaǵy alma óndirisi 3,5 myń tonnaǵa jetýi tıis. Mundaı kórsetkish alma tutynýshylyǵynyń besten bir bóligin qamtamasyz etip otyrady.
Quralaı Shyńǵysqyzy.
Derek, sýret: egemen.kz.