ASTANA. 22 qańtar. Arheologtar Kenııadaǵy Týrkan ózeniniń jaǵalaýynan ejelgi jaýyngerdiń izin tapty. Olardyń paıymdaýynsha, anyqtalǵan iz shamamen 10 myń jyl burynǵy adamzattyń alǵash soǵys tásilin meńgerip, jaýynger atanýy bolsa kerek. Bul týraly ria.ru-ǵa silteme jasaǵan egemen.kz habarlady.
Kenııa ǵalymdary: «Ejelgi adamdar top-topqa, taıpa-taıpaǵa bólinip saıyn dala tósinde soǵysqan nemese ańshylyq arqyly jyrtqyshtardan qorǵanǵan. Tabylǵan sardarlar soǵysynyń izi adamzat tarıhyndaǵy eń kóne dáýirdiń belgisi. Osy arqyly biz sol kezeńdegi jaýyngerdiń qandaı bolǵanyn anyqtaımyz», – deıdi. Sondaı-aq, arheologtardyń bul jańalyǵy kóne kezeńdegi adamdardyń eli men jerin jaýynan qorǵaý maqsatyndaǵy soǵysy bolýy múmkin nemese joryqtar uıymdastyrǵan jaýyngerlerdiń izi degendi meńzeıdi.
Aıta keteıik, 2012 jyly ǵalymdar osy ólkeden ejelgi adamdardyń jappaı jerlengen múrdelerin anyqtaǵan. Onda 8 er adamnyń, 8 áıeldiń, 6 búldirshinniń jáne 5 eresek balanyń deneleri tereń shuńqyrǵa kómilgen. Muny arheologtar otbasylyq qastandyqtyń qurbany dep boljam jasady.
Jalpy, ǵalymdar aldaǵy ýaqytta tabylǵan izder arqyly baǵzy zamandaǵy adamzattyń jaýyngerlikti qanshalyqty meńgergeni men olardyń ómir súrý baǵytyn anyqtamaq.
Talǵat Raıymbek.
Derek, sýret: ria.ru.