resmı túrde EKSPO-2017 kórmesine qatysatyndyǵyn rastady
Syrtqy ister mınıstriniń birinshi orynbasary, EKSPO-2017 kórmesiniń komıssary Rápil Joshybaev Latvııa Respýblıkasynyń Qazaqstandaǵy Tótenshe jáne ókiletti elshisi Iýrııs Pogrebnıakspen kezdesti.
Taraptar «jasyl energetıka» salasynda odan ári yntymaqtasýdyń keleshegi jóninde pikir almasyp, Latvııanyń Astana kórmesine qatysýynyń máselelerin talqylady.
R.Joshybaev Qazaqstannyń kórmege daıyndyq sheńberindegi atqarylyp jatqan jumysy týraly habarlap, latvııalyq taraptyń EKSPO-2017 kórmesine qatysýy Qazaqstan men Latvııa arasyndaǵy yntymaqtastyqqa jańa serpin beretinin atap ótti.
О́zi tarapynan Iý.Pogrebnıaks Latvııa úkimetiniń EKSPO-2017 kórmesine resmı túrde qatysatyndyǵyn rastaıtyn notany tabystady. Onyń aıtýynsha, Latvııa Halyqaralyq kórme bıýrosyna múshe emes elderdiń qatarynda jáne birneshe ret EKSPO kórmesiniń qatysýshysy bolǵan. EKSPO-2017 kórmesine qatysýyn rastaýy Latvııanyń Qazaqstanǵa degen joǵary qyzyǵýshylyǵyn jáne erekshe dostyq qatynastaryn kórsetedi.
Latvııa 2020 jylǵa deıin eń «jasyl» memleket bolýǵa umtylys jasap otyrǵan elderdiń biri jáne kezdesý barysynda Qazaqstanmen «jasyl energetıka» salasynda yntymaqtasýǵa daıyn ekenin bildirdi. Latvııa Qazaqstan Prezıdenti Nursultan Nazarbaevtyń «Jasyl kópir» baǵdarlamasyn daıarlaý bastamasyn qoldaǵan alǵashqy memleketterdiń biri jáne osy baǵdarlama boıynsha Hartııaǵa qol qoıdy.
Sonymen, búgingi kúni Latvııa 70-shi memleket bolyp resmı túrde EKSPO-2017 kórmesine qatysatyndyǵyn rastady.
«Egemen-aqparat».