Elorda kásiporyndarynda ilgerileýshilik baıqalady

Keshe Investısııalar jáne damý mınıstri Áset Isekeshev pen Astana qalasynyń ákimi Ádilbek Jaqsybekov elordadaǵy óndiristik kásiporyndar jumysynyń jaǵdaıymen tanysty. Alkogolsiz sýsyndar ón­diretin «Koka-Kola Almaty Bottlers» JShS, shyny óńdeıtin «KSS-Astana» JShS, saýda-óndiristik avtomattandyrylǵan kesheni «KazTexExpo» JShS, joǵary tehnologııaly elektrondy-optıka­lyq jabdyqtar shyǵaratyn «Qazaq­stan ASELSAN ınjınırıng» JShS jáne basqa da kásip­oryn­dar my­­salynda memleket­tik ın­dýs­­­­­­trııa­lyq-ınnovasııalyq damý baǵ­darlamasynyń jobalaryn tabysty júzege asyrý sátteri kór­setildi. Qalyptasqan kúrdeli ekonomıkalyq jaǵdaıǵa qaramastan barlyq kásiporyndar jumysyn jalǵastyryp qana qoımaı, sonymen birge, jumysta zamanaýı tehnologııalar men eń jańa taldamalardy qoldana jáne turǵyndardy jumys oryndarymen qamtamasyz ete otyryp, óziniń óndirisi men ótkizý rynogyn ulǵaıtýdy josparlap otyr. Sol arqyly salyqtyq túsimder de bıýdjetke turaqty túsýde. Investısııalar jáne damý mınıstri men Astana ákimi joǵary tehnologııaly elektrondy-optı­kalyq jabdyqtar shyǵaratyn «Qazaqstan ASELSAN ınjınırıng» JShS kásipornynda boldy. Munda teplovızorlar, optıkalyq júıeler, lınzalar shyǵarylady. Joba Qazaqstannyń Qarýly Kúshteri men basqa da vedomstvolaryn qajetti optronıkamen qamtamasyz etý úshin júzege asyrylyp otyr. Kásiporynda 129 jumys orny qurylǵan. Osynda shyǵarylatyn elektrondy-op­tıkalyq jabdyqtardy, tún­gi kórý quraldaryn zaýyt Qazaq­stannyń, Túrkııanyń, Úndistan­nyń, Qytaıdyń, TMD-nyń bir­qatar eline shyǵarady. Sol sııaqty Indýstrııalyq park aımaǵynda álemdik óndirý­shiler­diń qazirgi zamanǵy avtomat­tan­dyrylǵan jabdyqtarymen jaraqtanǵan shyny óńdeý jó­nin­­degi zaýyt ta ornalasqan. Zaýyt­tyń óndiristik múmkindikteri Qa­zaq­stannyń qurylys rynogyn energııa únemdeıtin qaýipsiz shyny ónimderimen qamtamasyz etýge, qurylysta jańa arhıtektýralyq sheshimderdi paıdalanýǵa jaǵdaı jasaıdy. Qazirgi ýaqytta zaýyt ónimderi Astananyń qurylys nysandarynda paıdalanylýda. Kásiporyn «Jumyspen qamtýdyń jol kartasy-2020» baǵdarlamasy boıynsha oqyǵan 78 mamandy jumys oryndarymen qamtamasyz etip otyr. Jumys sapary barysynda Á.Isekeshev pen Á.Jaqsybekov metall qurylǵylar men «sendvıch»-panelder shyǵaratyn kásiporyn – «SPEN qorǵaý qurylǵylary zaýyty» JShS-da da boldy. Za­ýyt ótken jyldyń sońynda ǵana paıdalanýǵa berilgen, soǵan qara­mastan qazirdiń ózinde 816 mln.teńgeniń ónimin shyǵaryp otyr. Á.Isekeshev pen Á.Jaqsybekov bolǵan «Qazaqstanda jasalǵan» belgisimen shyǵarylatyn «Ýnı­vermag.kz» otandyq ónimderdi satý ortalyǵy da ótken jyldyń sońynda ashylǵan bolatyn. Bir aı ishinde taýar aınalymy 6 mln. teńgeni qurady. Taýarlardy 35 qazaqstandyq taýar óndirýshiler usynyp otyr. Kásipkerler otan­­dyq óndiris ónimderine degen astanalyq turǵyndardyń turaqty qyzyǵýshylyǵyn atap kórsetýde. Sondyqtan olar osyndaı dúkenderdi Qazaqstannyń ózge de óńirlerinde ashpaq nıette.  «Egemen-aqparat».