Qos tarapty oqytý – ómirsheń

Apta sońynda Ortalyq kommýnıkasııalar qyzmetinde qos tarapty dýaldy oqytýdy engizý máseleleri boıynsha brıfıng ótkizildi. Brıfıngte Bilim jáne ǵylym vıse-mınıstri Esenǵazy Imanǵalıev, sondaı-aq, belsendi dýaldy oqytý engizilip otyrǵan kolledj ókilderi jáne olardyń áriptesteri qatysty. Baspasóz máslıhaty barysynda eńbek naryǵyna bilikti kadrlardy daıarlaýdyń mańyzdylyǵyna mán berildi. – 2012 jyldan bastap Qa­zaqstanda dýaldy oqytý engi­zil­geni belgili. Bul úshin jańa Eńbek kodeksine «dýaldy oqy­tý», «dýaldy oqytý boıynsha ke­lisim» uǵymdary jáne «dýaldy oqytý» atty jańa bap engizildi. «Bilim týraly» Qazaqstan Res­­­pýblıkasy Zańynyń uǵym­­­dyq apparatyna, Bilim jáne ǵylym mınıstrliginiń, jergilikti atqarýshy organdar­dyń quzyretterine, bilim be­rý praktıkasyna 60 paıyz óz­ge­rister men tolyqtyrýlar en­­gizildi. Qazirgi ýaqytta dýaldy oqytý elementteri 348 kolledj­ge engizildi (2013 jyly – 176 kolledj, 2014 jyly – 280 kolledj), 1718 kásiporynmen 22223 stýdent, 1952 úsh-tórt jaq­ty sharttar men kelisimder jasasty. Sonyń ishinde 10 negizgi sala boıynsha, 86 mamandyq jáne 159 biliktiligi asa qajetti munaıgaz, hımııa, metallýr­gııa, aýylsharýashylyq, ener­ge­tı­kalyq, qurylys ma­mandyqtary bar. Dýaldy oqytý nysanyn taldaý dýaldy oqytýdy engizgen kol­ledjderdiń sany art­qa­nyn kórsetti. Ol 2015 jyly 68 birlikke kóbeıgen. Dýaldy oqy­tý júıesine qosylǵan kol­led­jder men kásiporyndar sa­nynyń artýy stýdentterdi ju­­­mys­qa ornalastyrýǵa úl­ken kómek bolyp otyr, de­di Bi­lim jáne ǵylym vıse-mı­nıstri Esenǵazy Imanǵalıev. «Dýaldy oqytýdyń stra­tegııalyq alıansy» jobasy sheńberinde Ger­ma­nııa ká­sip­oryn­darymen ynty­maqtastyq jalǵasýda. Evonik Industries AG, álemdegi eń iri sement, be­­ton jáne metall-qurylym shyǵa­ratyn hımııalyq konsern, sonymen qatar, CLAAS ı John Deere aýylsharýashylyq tehnıkalaryn shyǵaratyn álemdik kóshbasshy. 2016 jyldyń 15-19 aqpan aralyǵynda О́skemen qu­rylys kolledj bazasynda nemis sarapshylarynyń bas­shylyǵymen birneshe semınar ótkizý josparlanǵan. GIZ-ben bir­lesip elektrondyq bazany qurý jáne dýaldy oqytý boıyn­sha monıtorıng júrgizý úshin elek­trondyq portal ázirlengenin de esterińizge sala ketsek deımiz. Raýan QAIDAR, «Egemen Qazaqstan».