Táýelsizdik alǵan kezeńderden beri elimizde birqatar saılaýlar ótti. Al bıylǵy 2016 jyl – Qazaqstan tarıhynda erekshe jyl. Iаǵnı, Qazaqstan Respýblıkasynyń Táýelsizdigine 25 jyl tolady. Ekinshiden, osy jyly «100 naqty qadam» – Ult Josparyn júzege asyrý qolǵa alyndy.
Osy aýqymdy jumystardy iske asyrý baǵytynda bizdi asa kóp naqty is-sharalar kútip tur. Bul saılaýdyń eń basty maqsaty – Elbasymyzdyń alǵa qoıǵan tapsyrmalaryn basshylyqqa ala otyryp, búkil qazaqstandyqtardyń birligin qazirgiden de nyǵaıta túsý. Ol úshin, árıne, kelisim men yntymaq kerek. Májilis pen barlyq deńgeıdegi máslıhattar saılaýlarynan barlyǵymyz osyny kútip otyrmyz.
Elbasymyz osyndaı saıası naýqandardy ótkizý arqyly halyqtyń yntymaq-birligin arttyrýǵa jáne aldymyzda turǵan keshendi baǵdarlamalar men josparlardy is júzine asyrýǵa bolatynyn atap ótti. Sonymen qatar, búgingi jahandyq daǵdarys kezinde bizderge asqan uıymdastyrýshylyq pen birlik aýadaı qajet.
Májilis pen barlyq deńgeıdegi máslıhattar saılaýlaryn bir kúnde ótkizý elimiz úshin, halqymyz úshin barlyq jaǵynan tıimdi. Qomaqty qarajat únemdeledi, bul Konstıtýsııamyzǵa qaıshy emes. Sondyqtan, biz Memleket basshysynyń besinshi shaqyrylǵan Parlament Májilisin taratý jáne Májilis depýtattarynyń kezekten tys saılaýyn taǵaıyndaý týraly Jarlyǵyn tolyqtaı qoldaımyz, sondaı-aq, Májilis pen barlyq deńgeıdegi máslıhattar saılaýlary uıymdasqan túrde oıdaǵydaı ótetinine senimdimin.
Oralbaı ÁBDIKÁRIMOV,
memleket jáne qoǵam qaıratkeri.