ASTANA. 25 qańtar. AQSh-tyń shyǵys aımaqtarynda tolassyz jaýǵan qardyń saldarynan 31 adam qaza tapty. Bul týraly TASS aqparat agenttigine silteme jasaǵan egemen.kz tilshisi habarlady.
Jergilikti turǵyndar jol-kólik oqıǵalarynan alǵan jaraqattary, gazǵa ýlanýlary jáne qar tazalaý jumystary kezinde fızıkalyq turǵydan artyq qımaldap, júrek talmysyna alyp kelýine baılanysty kóz jumdy.
AQSh-tyń birneshe qalalarynda tolassyz jaýǵan qardan memlekettik qyzmet oryndary jumystaryn toqtatýǵa májbúr boldy. Osyǵan baılanysty el astanasy Vashıngton basshylyǵynyń qyzmetkerlerine de demalys kúnderi berildi. Sondaı-aq, sońǵy kúnderi tabıǵattyń tosyn syıynan birneshe myń áýe reısteri keıinge shegerildi.
Aıta keteıik, ótken demalys kúnderi AQSh-tyń 11 shtatynda aýa raıynyń qolaısyzdyǵyna baılanysty tótenshe jaǵdaı jarııalandy. Alǵashqyda mamandar Vashıngtonda jaýǵan qardyń qalyńdyǵy 60 santımetrge deıin jetedi dep topshylaǵan. Alaıda, bul kórsetkish keıinirek 1 metrge deıin jetti. Osyǵan baılanysty Nıý-Iork jáne Nıý-Djersı aımaǵyn sý basý qaýpi tónip tur. Al Vırgınııa shtatynda 1 myńǵa jýyq jol apaty tirkeldi.
Aıan Ábdýálı.
Derek, sýret: TASS.