Respýblıkalyq áıelder keńesiniń Elbasynyń «Besinshi shaqyrylǵan Qazaqstan Respýblıkasy
Parlamentiniń Májilisin taratý jáne Qazaqstan Respýblıkasy Parlamenti Májilisi depýtattarynyń kezekten
tys saılaýyn taǵaıyndaý týraly» Jarlyǵyna baılanysty
MÁLIMDEMESI
Qazaqstannyń Isker áıelderi Memleket basshysynyń Qazaqstan Respýblıkasy Parlamenti Májilisi depýtattarynyń kezekten tys saılaýyn taǵaıyndaý týraly sheshimine qoldaý bildiredi. Elbasynyń bul sheshimi azamattarymyzdyń basym kópshiliginiń kóńil kúıin kórsetedi. Bizdiń bárimiz táýelsiz Qazaqstannyń qalyptasýy men damýyna tikeleı atsalysyp kelemiz. Osy jyldardyń bárinde elimizde turaqtylyq pen kelisim saltanat qurdy. Elbasynyń sarabdal saıasatynyń arqasynda biz ekonomıkalyq daǵdarystardy úlken qıyndyqtarsyz eńserý ústindemiz. Jáne búginde, jańa qaýip-qaterler jaǵdaılarynda, memleket olardy eńserý boıynsha sheshimdi is-qımyldardyń naqty josparyna ıe. Prezıdent aıqyndap bergen Bes ınstıtýttyq reforma Qazaqstan úshin kez kelgen silkinisterge tótep berip, ári qaraıǵy tabysty damýdy saqtaýǵa qabiletti berik negiz bolyp otyr. Qolǵa alynyp jatqan osyndaı keń aýqymdy sharalar bıliktiń barlyq deńgeıinde, birinshi kezekte, zań shyǵarýshy tarmaǵynda naqty iske asyrýdy talap etetini túsinikti. Elimizdegi barlyq áıelderdiń múddesin qorǵaı otyryp, bizdiń uıym Prezıdentke reformalardyń bastapqy kezeńinde-aq olardy júzege asyrýda kimge senim bildirý múmkindigin usynǵany úshin rızashylyǵyn bildiredi. Saılaý – ár azamatqa bolashaqqa umtylǵan ulttyń shynaıy patrıotızmi men birligin kórsetetin úderis. Biz qýatty, ósip-órkendegen jáne tabysty Qazaqstan úshin kúsh-jiger jumsap keldik, jumsap jatyrmyz jáne jumsaı beretin bolamyz.