Kúrdeli kezeńdegi qajetti qadam

Keshe Prezıdent janyndaǵy Ortalyq kommýnıkasııalar qyzmetindegi kezekti baspasóz máslıhatyna taý-ken óndirýshi jáne taý-ken metallýrgııa kásiporyndary respýblıkalyq qaýymdastyǵynyń, Qazaqstan munaı-gaz jáne energetıkalyq kesheni uıymdary qaýymdastyǵynyń basshylary qatysyp, aldaǵy parlamenttik saılaýǵa qatysty oı-pikirlerimen bólisti. Kenshiler, metallýrgter men shahterler Qazaqstandaǵy merziminen buryn parlamenttik saılaýdy qoldaıdy, dedi baspasóz máslıhatynda taý-ken óndirýshi jáne taý-ken metallýrgııa kásip­oryndary respýblıkalyq qaýym­dastyǵynyń atqarýshy dırektory Nıkolaı Radostoves. «Atap aıt­qanda, kenshiler, metallýrgter men shahterler Parlament Máji­lisine kezekten tys saılaý ótkizý týraly sheshimdi, son­daı-aq osy iste Prezıdent Nursultan Nazarbaevty tutastaı qol­dap otyr. Kóbisi «osy sharany qazir ótkizý qajet pe?» dep su­raýy múmkin. Bul saılaý qıyn kezeńde eldiń ekonomıkalyq qýatyn saqtaı otyryp, ony art­tyrýǵa múmkindik beretin shara­lar keshenin der kezinde qabyl­daý úshin qajet», dep atap ótti N.Radostoves. Osy oraıda qaýym­dastyq ókili bıyl júzege asy­rýǵa belgilengen reformalar men zańdardy qabyldaıtyn sarap­shy­lardyń jańarýyn qajet etetindigin alǵa tartty. «Parlamentke ahýaldy durys túsi­nip otyrǵan adamdardyń kelýi úshin kemeldilik pen sanaly­lyq tanytamyz dep úmittene­min. Depýtattardyń arasynan kásip­kerlerdi kóbirek kórgim keledi. Sebebi, olar qazirgi ónerká­sip­tik qatynastardyń barlyq prob­le­malaryn ózderiniń basynan ótkergennen keıin, osy másele­lerdiń tyńǵylyqty biledi», dep túıdi N.Radostoves. Budan ar­ǵy sózinde ol dempıngke qarsy sank­sııanyń doǵarylýyna baılanys­ty Qazaqstannyń Dúnıejúzilik saýda uıymyna kirýinen otandyq taý-ken metallýrgııalyq kompanııalary utatynyn málimdedi. «Taý-ken metallýrgııalyq kompanııalar qazirden bastap DSU-dan paıda kóretini anyq. Qazirgi kezde DSU múshesi retinde Qazaqstanǵa qatań talaptardy qoıýǵa jáne osynyń nátıjesinde naryqtarǵa tosqaýyl jasaýǵa quqylary joq. Alaıda biz DSU-da tek metaldy, munaıdy saýdalaýmen qatar, joǵary óńdeýden ótken ónimdi, qaıta óńdeý ónerkásibi taýarlaryn naryqqa tıimdi shyǵarýdy da zerdeleýimiz qajet», dedi taý-ken óndirýshi jáne taý-ken metallýrgııa kásiporyndary respýblıkalyq qaýymdastyǵynyń atqarýshy dırektory. Sonymen qatar N.Rados­to­vestiń paıymynsha, DSU-ǵa qo­sylýǵa baılanysty Qazaqstanda bir­qatar másele bolady. «Eks­port­taýshylarda da kóp suraq­tar týyndaıdy. Iаǵnı, bul tur­ǵy­da «Saýdany qalaı júrgi­ze­miz?», «Osy jańa erejeler boıynsha tabys alý úshin óz ornymyzdy qalaı tabamyz?» degen sekildi saýaldar bolady», dep túsindirdi ol. Baspasóz máslıhatyna qatys­qan «Kazenergy» Qazaqstan munaı-gaz jáne energetıkalyq kesheni uıymdary qaýymdastyǵynyń bas dırektory Áset Maǵaýov ta jańa Parlament Qazaqstan ekonomıkasyn jańǵyrtýǵa múmkindik beredi dep sanaıdy. «Kazenergy» qaýymdastyǵy Parlament Májilisi depýtat­tarynyń kezekten tys saılaýyn ótkizý týraly Prezıdent Jar­lyǵyn qoldaıdy. Bul sheshim qazirgi kúrdeli jaǵdaıda ýaqy­tynda qabyldanyp otyr dep oılaımyz. Parlamenttiń aldyńǵy shaqyrylymy úlken jumys atqardy. Naqtyraq aıtsaq, «100 naqty qadam» reformalary aıasynda 80-nen astam zań qabyldandy. Sondaı-aq, biz ınvestısııalyq jaǵdaıdy jaqsartý salasynda úlken rezervter kórip otyrmyz. Qazir Ekologııalyq kodekske ózgerister ázirlendi. Sondaı-aq, jer qoınaýyn paıdalaný týraly zańnamaǵa ózgerister ázirlenip jatyr. Búgingi tańda Jer qoınaýy týraly kodeks jobasy daıyndaldy. Biz ol bıyl qabyldanady degen nıettemiz. Biriktirilgen salyq jáne kedendik tólemder týraly kodeks talqylanyp jatyr», dedi Á.Maǵaýov. Onyń aıtýynsha, Parlamenttiń jańarýy, oǵan jańa ıdeıalardyń, kreatıvti depýtattardyń kelýi – zańnamalarmen muqııat jumys istep, jer qoınaýy salasynda ınvestısııalyq jaǵdaıdy jaqsartý úshin qajetti bazany jasaýǵa múmkindik beredi. «Biz tıimdi Parlament – ın­ves­tısııalyq jaǵdaıdy jaqsar­tý úshin tıimdi zańnamany daıyn­daýdyń basty faktory dep sanaımyz. Qazir álemdik energetıkalyq naryqta baǵalardyń tómendeýine yqpal etip otyrǵan sebepter kóp. Bul Qazaqstannyń munaı-gaz salasyna da áser etip otyr. Sondyqtan, biz jer qoınaýyn retteý salasynda jedel sharalar qabyldaý kerek dep oılaımyz. Men barshamyzǵa, qoǵamdyq uıymdar men memlekettik qyz­met­terge jańa Parlamentpen biri­gip, kúrdeli jumysqa daıyndalýymyz kerek dep esepteımin», dedi Á.Maǵaýov. Dınara BITIKOVA, «Egemen Qazaqstan».