1,5 mıllıon eýroǵa kelisimshart jasaldy

Almatyda II ortalyqazııalyq «Nanónimderi-2016» forýmy aıaqtalyp, Ortalyq Azııanyń 200-ge tarta kásiporny qatysqan jıynda qural-jabdyqtarmen qamtamasyz etý, qospalar men qyzmet túrlerin kórsetý jóninde 1,5 mıllıon eýronyń kelisimsharty jasaldy. Forýmǵa kondıterlik, nan ónimderin pisiretin qural-jabdyqtar men onyń qospalaryn daıyndaıtyn Revent (Shvesııa), Miwe (Germanııa), Diosna (Germanııa), Voshod (Reseı), ShMZ ( Shebekınskıı mashınostroıtelnyı zavod, Reseı), Jac (Belgııa), Rondo (Shveısarııa), Wachtel (Germanııa), Aichinger (Germanııa), Ireks (Germanııa), KenFood (Gresııa), Gostol (Slo­­venııa), Maslodel (Qazaqstan), ModernBakery (Qazaqstan), JAF Partners (Qazaqstan) sııaqty otandyq jáne álemdik iri oıynshylar qatysty. «Daǵdarys jaǵdaıynda Or­talyq Azııada nan-bólke jáne kondıter ónimderin óndirýdi damytý» atty bıylǵy forým aıasynda nan-bólke jáne kondıter ónimderin óndirýdi jańǵyrtý men kompanııanyń óndiristik qýatyn arttyrýda sheteldik ınvestorlardy tartý, jańa jumys oryndaryn ashý, ónim sapasyn arttyrý, memleket tarapynan áleýmettik qoldaýdyń arqasynda kishi jáne orta bıznesti damytý, iri kásiporyndardy jańǵyrtý máseleleri talqylandy. Forýmǵa Qyrǵyzstannyń, О́zbekstan men Tájikstannyń, Re­seı men Belorýssııanyń, Evro­odaqqa múshe elderdiń nan-bólke, kondıter, un shyǵarýmen aına­lysatyn kásiporyndary, qo­ǵamdyq tamaqtaný oryn­dary­nyń, baqylaý-qadaǵalaý oryn­darynyń, jergilikti memlekettik organdar ókilderi qatysty. Aınash ESALI, «Egemen Qazaqstan».