ASTANA. 30 qańtar. Saýd Arabııasynyń shyǵysyndaǵy Esh-Sharkııa aımaǵynda ornalasqan meshitterdiń birinde jarylys bolyp, 4 adam qaza tapty. Buly týraly interfax.ru saıtyna silteme jasaǵan egemen.kz tilshisi habarlady.
Lańkester uıymdastyrǵan jarylystan taǵy 18 adam túrli jaraqat alyp, jaqyn mańaıdaǵy aýrýhanalarǵa jetkizildi. Jergilikti tilshiler alǵashynda 2 adamnyń qaza taýyp, 7 turǵynnyń jaraqat alǵanyn habarlaǵan bolatyn.
Tártip saqshylary juma namaz kezinde meshitke kire beriste eki sodyrdyń jarylys uıymdastyryp, artynan atysa ketkenderin málimdedi.
«Olardyń biri qulshylyq úıine kire beriste ózin ózi jaryp jiberdi. Al qasyndaǵy serigi meshit kúzetshilerimen atysa ketti. Abyroı bolǵanda olar lańkestik áreketke barǵan adamdy jaraly kúıinde qolǵa túsire bildi. Tergeý kezinde ústinde jarylǵysh zattar ornalasqan belbeýi tárkilendi», – deıdi jergilikti mınıstrlik.
Aıan Ábdýálı.
Derek: interfax.ru.
Sýret: en.trend.az.